InfoHub Logo

Qazaq ádebıeti
Synyby: 7
Sabaqtyń taqyryby: Ǵ.Músirepovtyń «Ananyń anasy»áńgimesi boıynsha taldaý
Sabaqtyń maqsaty:
a) bilimdilik: Áńgime mazmunyn tolyq meńgere otyryp, keıipkerler beınesin ashý, jazýshynyń sýretteý tiline taldaý jasaý.
á) tárbıelik: Ananyń bóbegine degen kıeli mahabbatyn uǵyndyra otyryp anany qurmetteýge, syılaýǵa, adamgershilik izgi qasıetterge tárbıeleý
b) damytýshylyq: Oqýshyny jeke jumys jasaýǵa, izdenýge oıyn anyq erkin aıta bilýge úıretý.

Sabaqtyń túri: İskerlik pen daǵdyny qalyptastyrý sabaǵy.
Sabaqtyń ádisi: Suraq-jaýap, Venn dıagramsy, bes jol óleń, oqýlyqpen jumys.
Kórnekiligi: 1. Ǵ.Músirepov portreti
2. Áńgimeniń jospary
3. Kompozısıa

Sabaqtyń júrisi:
I Uıymdastyrý
Oqýshylarmen amandasý, nazaryn sabaqqa aýdarý.
II Úı tapsyrmasyn tekserý
1).Jospar boıynsha áńgimeniń mazmunyn suraý.
1.Áıtilestiń áńgimesi
2.Jalpaq Ergenekti elinde
3.Qýǵynshy ana
4.Bostandyq. Ana sálemi.

2). Suraq-jaýap
1.Shyǵarmada ýaqıǵa kimniń atynan áńgimelenedi?
2. Jalpaq batyrdy tize búktirgen qandaı kúsh?
3. Áńgimeniń sońynda Jalpaqtyń esinen tanyp qulaýynyń sebebi nede?
4. Áńgime qandaı shyǵarmaǵa jatady?

III. Taldaý jumystary.
1. –Sonymen, áńgimeniń mazmunyn túsiný arqyly, onyń bir-birimen baılanysty qurylǵan oqıǵalardan turatyndyǵyn bildik. Endeshe áńgimeni qurylysyna qaraı taldaıyq.
- Shyǵarma qurylysy qandaı bólshekterden turady?
- Kompozısıa – Ekspozısıa
Baılanys
Shıelenis
Sharyqtaý shegi
Sheshimi - degen bólshekterden turady.

Ekspozısıa ------ Áıtilestiń áńgimesi
Baılanys --------- Jalpaqtyń Ergenekti eline attanýy, Qalyń jylqy. Turaqty qyz.
Shıelenis -------- Jylqyshynyń mert bolýy. Qýǵynshy ana
Sharyqtaý shegi -------- Ananyń sózi. Keıkiniń úkimi.
Sheshimi ---------- Ana men qyzyna bostandyq berilýi

2. Shyǵarmadaǵy basty keıipkerler beınesin ashý.
a) Ana beınesi sýretteletin tusty taptyryp, oqytý.
Ana – Sonar degenniń qyzy, on bes jasynda bas bostandyǵynan aıyrylǵan, kúńdikke berilgen. Kórgeni qorlyq, ádiletsizdik. On bes jasardyń qyzynyń artynan qoryqpaı, ımenbeı qýyp, óziniń qudiretti sózderimen, batyrlardy tizege búktirip, qyzyn aman esen alyp, aýylyna qaıtady.
á) Jalpaq - kereı rýynyń batyry, Ergeniktiden kegin alýǵa namystana attanady, aldyn boljaı biledi, dalanyń essiz eri ananyń sózin adamgershilikpen túsinip, meıirimdik jasaıdy.

«Bes jol óleń» strategıasy
1. Ana
2. Qaıratty, batyl
3. Qoryqpaıdy, ımenbeıdi, súıedi
4. Sheshege qarap qyz óser
5. Sheshe

1. Jalpaq
2. Namysqoı, meıirimdi
3. Shaıqasady
4. Jalpaq - adamgershiligin saqtaǵan adam
5. Batyr

b) Venn dıagramsy arqyly Jalpaq pen Keıki beınelerin almastyrý
Shyǵarmanyń tildik erekshelikterine taldaý.
Áńgimeni tórt bólikke bólip, ár topqa úzindi beriledi. Úzindiden kórkemdegish quraldardy taýyp, kesteni toltyrý.
Kórkem til
Mysaldar
Portret
Áıtiles - appaq, aq qarbas, soqyr balýan barmaqty
Metafora – Qara tańba bir qara kórindi.
Epıtet – Keń ómir, sarǵylt kóńil, jalpaq jaz, eski kúnder, qalyń jylqy.

Teńdeý
İrkit sabasyndaı, jaýyryny qaqpaqtaı, judyryǵy toqpaqtaı, oqtaýdaı oınaý.t.s.s
Turaqty tirkes
At qulaǵynda oınaý, bolat júrek, kóz salý, tiregi syımaý, qabattan qan jaýý.
Geografıalyq ataýlar
Úrker, Sholpan
Antonımder

Suraq-jaýap, oń - sol óli - tiri,ashý - jumý

Qorytyndy
- Sonymen, balalar, biz búgingi sabaǵymyzdy Ǵ. Músirepovtyń «Ananyń anasy» áńgimesi boıynsha taldaý jumystaryn júrgizdik. Áńgimede keıipkerler beınesin ashyp shyǵarmanyń tildik erekshelikterin, jazýshy qoldanǵan aıshyqty sózderdi taýyp taldadyq.
- «Ananyń anasy» Ǵ. Músirepovtyń ana taqyrybyna arnalǵan shyǵarmashylyǵynyń biri ǵana. Biri deıtinimiz, Ǵ. Músirepov asa qaıratty, qýatty áıel tulǵasy «Ashynǵan ana», «Er ana» , «Ananyń arashasy», «Aqlıma» syndy áńgimelerin de sheber sýretteıdi.
- Álem sóz ónerinde úlken oryn alatyn ananyń ataqty beınesi jazýshy shyǵarmalarynda el rýhynyń asqaqtyǵyn pash etip, adamgershilikti qasterleıdi.

Úıge tapsyrma
1. Ǵ. Músirepovtyń ana taqyrybyndaǵy basqa da áńgimelerin taýyp oqyp, qazirgi kezeńmen baılanystyra áńgimeleý.
2.«Ana báıterek, ana - aqqý, ana - júrek taqyrybyna shyǵarma jazýǵa daıyndyq.
Baǵalaý.