InfoHub Logo

Sabaqtyń maqsaty:
Bilimdilik: Oqýshylarǵa anyqtalmaǵan ıntegraldyń negizgi tablısalyq formýlalaryn meńgertý, praktıkada qoldana bilýge úıretý.
Tárbıelik: Oqýshylardy alǵyrlyqqa, izdenimpazdyqqa, jaýapkershilikke jáne básekege qabiletti tulǵa etip tárbıeleý.
Damytýshylyq: Shyǵarmashylyqpen jumys isteýge, tez oılaýǵa daǵdylandyrý, óz jetistigin baǵalaı bilýge, qarym - qatynasty kúsheıtýge úıretý.
Sabaqtyń túri: dástúrli emes sabaq, damytý sabaǵy
Sabaqtyń tıpi: jańa bilimdi meńgerý
Sabaqtyń ádisi: jarys túrinde, deńgeılik tapsyrmalar
Kórnekilikter: ınteraktıvti taqtaǵa arnalyp jasalǵan slaıd, qundy qaǵaz, formýla jazylǵan plakat
Sabaqtyń barysy:
İ. Uıymdastyrý kezeńi
1. Oqýshylardyń sabaqqa daıyndyǵyn jáne kim joq ekenin tekserdim
2. Aýdıtorıanyń tazalyǵyn tekserdim
3. Oqýshylardy úsh topqa bóldim
Interaktıvti taqtada slaıd:
Habarlandyrý! Astana qalasy bilimdi jastarǵa tender jarıalap otyr.
Tyńdańyzdar!
Tyńdańyzdar! Bilim ortalyǵyn ashýǵa tender jarıalaımyz!!!
Bilim berý ortalyǵyn ashýǵa básekege túsip otyrǵan úsh toptan quralǵan bilimdi jastar otyr «Suńqar», «Qyran», «Jiger». Qaı top jeńse, sol Astana qalasynan bilim ortalyǵyn ashýǵa múmkindik alady. Jeńiske jetý úshin ár tapsyrmany oryndaı otyryp upaı jınaısyzdar, sońynda joǵary upaı jınaǵan top qundy qaǵazǵa ıe bolady, ıaǵnı bilim ortalyǵyn ashýǵa múmkindik alady.
Sonymen tender sharttary:
1. Joba qorǵaý.
2. Lezdik tapsyrma.
3. Alǵyrlyq kilti.
4. Ózińdi tekser.
5. Qorytyndy.

İİ. Úı tapsyrmasyn tekserý
İ. Joba qorǵaý. Ár top ózderine berilgen taqyryptary boıynsha jobany qorǵady. Ár topqa 4 mınýttan ýaqyt berildi.
1. «Suńqar» tobynyń taqyryby: Integraldyń shyǵý tarıhy
2. «Qyran» tobynyń taqyryby: Integral uǵymy
3. «Jiger» tobynyń taqyryby: Integraldyń qoldanystary

İİİ. Jańa sabaqqa qyzyǵýshylyǵyn oıatý jáne belsendiligin arttyrý
Úsh top oqýshylary jarysa otyryp oryndady?
1. Alǵashqy fýnksıany tabý men ıntegraldaýdyń arasynda aıyrmashylyq bar ma?
2. Alǵashqy fýnksıanyń jalpy túri men anyqtalmaǵan ıntegral uǵymyn baılanystyratyn formýlany atańdar.
3. Anyqtalmaǵan ıntegraldyń anyqtamasy?
4. Anyqtalmaǵan ıntegraldy tabý formýlasy?

İV. Jańa taqyrypty túsindirý
Fýnksıanyń belgili týyndysy boıynsha alǵashqy fýnksıasyn anyqtaýdy ıntegraldaý dep ataımyz. Integraldaý amaly dıfferensıaldaý amalyna keri amal.
Sonymen, ıntegraldyń anyqtamasynan mynadaı qorytyndy jasaýǵa bolady, fýnksıany ıntegraldaý úshin onyń alǵashqy fýnksıasyn tabý kerek. Qarapaıym fýnksıalar úshin dıfferensıaldaý formýlasyn paıdalanyp, ony ońaı tabýǵa bolady.
V. Jańa sabaqty bekitý
İİ. Lezdik tapsyrma. Bul bólimde «Óz ornyn tap», «Jartyńdy tap» oıyndary boıynsha formýlalardyń jáne esepterdiń jalǵasyn tabasyzdar. Úsh topqa birdeı tapsyrmalar úlestiriledi.
1. «Óz ornyn tap» oıynynyń sharty boıynsha formýlalardyń tek jartysy berilgen, jalǵasyn taýyp óz oryndaryna qoıasyzdar.
2. «Jartyńdy tap» oıynynyń sharty boıynsha sizderge esepter beriledi, sol esepterdi shyǵaryp, durys jaýapty strelka arqyly sáıkestendirip, túrli tústi sıa arqyly baǵyttaısyzdar.
İİİ. Alǵyrlyq kilti. Bul bólimde qate jazylǵan esepter beriledi. Sol esepterdiń qatesin toppen birlese otyryp tabasyzdar. Oǵan sizderge 5 mınýt ýaqyt beriledi.
İV. Ózińdi tekser. Top oqýshylaryna deńgeılik tapsyrmalar jazylady. Ár oqýshy óz deńgeıine baılanysty tapsyrmalardy oryndaıdy.

V. Sabaqty qorytyndylaý. Sarapshylar qundy qaǵazdardy eseptep jeńimpaz topty jarıalady. Jeńimpaz top «Qyran» toby boldy.
«Bilimniń basy beınet, sońy zeınet»- dep qorytyndy sóz aıtyldy.

Vİ. Oqýshylardy baǵalaý
Ár tapsyrmany oryndaý barysynda oqýshylar bilimindegi olqylyqtar birden aıtylyp otyryldy. Barlyǵy 15 oqýshy baǵalandy.
VII. Úıge tapsyrma berý
1. «Integral» sózine sózjumbaq, rebýs qurastyrý.
2. V. T. Lısıchkın «Matematıka» kitabynan №40 - 45 esepterdi shyǵarý