InfoHub Logo

XVIII ǵasyrda qazaq halqy jońǵarlarmen keskilesken soǵys júrgizedi. «Aqtaban shubyryndy, Alqakól sulama» oqıǵasynan keıin handar jaýǵa toıtarys berýdiń jalǵyz joly birigý ekenin túsingen edi.

Ańyraqaı shaıqasy 1729 jyly jazda mamyr-maýsym aılarynda ótken. Shaıqas soltústiginde Balqash kóli, ońtústiginde Otar dalasy, batysynda Shý ańǵary, shyǵysynda Kúrtige deıingi aralyqta bolǵan.

Ańyraqaı shaıqasyna eki jaqtan birneshe myńdaǵan jaýyngerler qatysady. Qarakereı Qabanbaı, Qanjyǵaly Bógenbaı, Shaqshaq Jánibek, Shapyrashty Naýryzbaı batyrlar, aqyn Aqtamberdi men Úmbeteı jyraýlar sekildi tulǵalar týǵan jeri úshin bir tý astyna jınalady. Úsh júzdiń birikken áskerine Ábilqaıyr qolbasshylyq etedi.

Bul shaıqas qazaqtarǵa ońaıǵa túsken joq. Sebebi, myqty ári shynyqqan jońǵarlardy jaýyzdyǵymen, qolbasshylyq darynymen tanymal qontaıshy Qalden Seren bastap kirgen edi. Degenmen, qıan-keski urysta qazaqtar olardy birjolata talqandaıdy. Jońǵarlar keri sheginýge májbúr bolady.

Ańyraqaı shaıqasyndaǵy jeńis – qazaq-jońǵar soǵysyndaǵy sheshýshi oqıǵa. Ol qazaq jerin azat etýdiń bastamasy boldy. Jalpy qazaqtardyń jaýǵa qarsy birigýi olardyń kúshti qarsylasyn jeńýine jol ashty.

---