Sáken toıyna
Óziń be?..
Óziń ǵajapsyń!
Ot keshken alǵash azatsyń.
Halqyńa kelgen azatsyń.
Tap jaýynan ósh alyp,
Óshiń de ketken qazaqsyń!
«Tap jol, taıǵaq keshýdi»
Keship ketken qazaqsyń!
Esil ótken qazaqsyń!!!
Soıyldyǵa soqtyrmaı,
Qarýlyǵa attyrmaı,
Arashalap jurtyńdy,
Alpaýytqa attyń jaı.
Hege?
Hege jyr tyndy?!
Hege kettiń taptyrmaı?
Aıyrylyp qalyppyz
Kúlásh salǵan «Gákkýdaı»,
Óziń jazǵan «Aqqýdaı»...
...Kúrsinip ek, jan aǵa,
Sen joq degen sózdi estip.
Jyldar salyp araǵa,
Aqyry biz kezdestik.
Sendeı qorǵan, panaǵa,
Zárý bolǵan kezde estik.
Aqyry biz kezdestik.
Aqyl kirip sol jastar,
Aǵa boldy jol bastar.
Jalaýyńdy jyqqan joq
Qyzyl suńqar - joldastar.
Ózińe usap jol basqan,
Óz Otanyn qorǵasqan,
Jalǵasýda bizbenen,
Óziń jazǵan zor dastan.
Kesegesi kógergen,
Kóp yrysqa kenelgen,
Óziń jortqan túzińdi,
Óz kázińmen kórer me eń.
Qaıta aınalyp keler me eń!
Mynaý qazaq dalasy,
Altaı, Arqa arasy.
Alataý men Atyraý
Toılap jatyr, qarashy,
Estısiń be, aǵasy?
Búkil qazaq balasy,
Seni eske alyp, aǵasy,
Dýmandatty, qarashy.
Aspanynan nur tamǵan,
Seni eske alyp tur taýlar...
...Aı-qaı, Qyzyl sunqarlar!
Paı-paı, dúldil tulparlar!
Ortaǵa alyp Sákendi,
Jas qazaqtyn, uranyn
Jańarta bir shyrqańdar!

---