InfoHub Logo

Sebebi olardyń boıaýy ketken.

Biz ejelgi antıkalyq músinderdi aq tústi nemese ashyq reńge syrlanǵan kúıinde kórýge kózimiz úırenip ketken, biraq osy kúngi zertteýler ol músinder dástúrli túrde basqa túske boıalǵanyn anyqtap otyr. Arheologtar Ýlrıka Koh-Brınkman men Vınchenso Brınkman kezinde olar túrli-tústi bolǵan dep joramaldap otyr. Ǵalymdar rentgen, ınfraqyzyl jáne ınfrakúlgin sáýleler arqyly músinderdiń ashyq tústerge syrlanyp, bet-júzderi asqan yjdahattylyqpen boıalǵanyn, al kıimderi — oıý-órnektermen áshekeılenip syrlanǵanyn anyqtaǵan.  

Qazir ár túrli túske syrlanǵan músinder bizge oǵash jáne aıbarsyz bolyp kórinedi, biraq kóne zamanda tús aýqattylyqtyń jáne sán-saltanaty kelisken baılyqtyń sımvoly boldy: memleket neǵurlym baı-qýatty bolsa, olardyń músinderi men ǵımarattary soǵurlym jarqyraǵan boıaqtarmen syrlanatyn.   

Músinderdiń qazirgi zamandaǵy túr-tulǵasyna birneshe faktor yqpal etti. Birinshiden, aýa-raıynyń áserinen asa tózimdi emes tabıǵı syr jýylyp óship ketti. Ekinshiden, klasısızm dáýirinde músinderdiń naq túsin aıqyndap beretin tehnologıalar bolmady, sondyqtan antıkalyq dáýirdiń izbasary ári elikteýshisi bolǵan klasısızm dáýiriniń sáýletshileri men músinshileri óz óner týyndylaryn ártúrli tústerge syrlamady. 

---