InfoHub Logo

Qaısenova Gúlmıra Ediresqyzy

Sabaqtyń taqyryby: Apta kúnderi
Sabaqtyń maqsaty:
Bilimdilik: apta túsinikterin tereń meńgertý, taqyryp boıynsha qysqa áńgime aıta bilýge mashyqtandyrý, oqýshylardyń bilimderin júıeleý, aýyzeki sóıleý qabiletterin arttyrý.
Damytýshylyq: oqýshylardyń oı - órisin keńeıtý arqyly qısyndy oılaý, este saqtaý qabiletterin arttyrý, tilderin damytý, saýatty jazýdy qadaǵalap, damytý.
Tárbıelik: óz ýaqyttaryn ornymen paıdalanýǵa jáne utymdy jumystarǵa jumsaýǵa baýlý.
Sabaqtyń túri: jańa sabaq
Kórnekilikter: oqýlyq, sýretter, ınteraktıvti taqta, sózdikter.
Ádis - tásilder: suraq - jaýap, áńgimeleý, aýdarma.

Sabaqtyń barysy:
1. Uıymdastyrý kezeńi.
 amandasý, túgeldeý;
 sabaqty muqıat tyńdaýǵa shaqyrý;
 dápterge kún retin jazdyrý;
 sabaqqa belsene qatysyp, tártip saqtaýdy eskertý.

2. Jańa sabaq.
Muǵalimniń kirispe sózi.
- Balalar, búgingi kúnge qarańdarshy, aspan ashyq, kún jyly, kóńil kúıimiz kóterińki, tamasha. Men senderge búgingi kúnge jaqsy kóńil - kúı syılaımyn. Barlyǵyńa búgingi sabaqta sáttilik tileımin.
- Al, endi balalar, ótken taqyrypqa sholý jasaı otyryp, jańa sabaǵymyzdy bastaıyq. Ol úshin sender birneshe tapsyrmalardy oryndaýlaryń kerek. Olaı bolsa myna sıqyrly sandarǵa nazar aýdaraıyq. Bul sandardyń astynda ne bar ekenin bilý úshin sender bir sandy tańdap alasyńdar, sol sanǵa baılanysty suraqqa jaýap beresińder. Tapsyrmany oryndaý barysynda búgingi jańa sabaqtyń taqyryby ashylady. Tapsyrma túsinikti me? Endeshe ınteraktıvti taqta qaraıyq. Káne, kim bastaıdy?
1 2 3 4 5 6 7 8 9 10 11
1. Suraq - jaýap, aýdarma ádisteri arqyly tómendegi suraqtarǵa jaýap alynady.
1. Qazaqstan Respýblıkasynyń bas qalasy. (Astana)
2. Sen qaı qalada turasyń? (Petropavl)
3. Shashty nemen taraıdy? (Taraq)
4. «Fevral» sóziniń aýdarmasy. (Aqpan)
5. «Kúz» degen sózdiń birinshi árpi. (K)
6. Bul ne? Úı sýreti. (Úı)
7. Qazaqstan Respýblıkasynyń prezıdenti. (N. Á. Nazarbaev)
8. Qazaq halqynyń ulttyq aspaby. (Dombyra)
9. Úı janýary. Tórt túlik mal. (Eshki)
10. «Ózen» sóziniń aýdarmasy. (Reka)
11. «B... r degen sózde qandaı árip túsip qaldy? (İ)
Apta kúnderi
- Sonda, balalar, búgingi sabaǵymyzdyń taqyryby qandaı? (Apta kúnderi)
- Iá, durys apta kúnderi. Balalar, aptada neshe kún bar?
- Durys aıtasyńdar, jeti kún bar. Olardy orys tilinde eske alaıyq. Kim aıtady? Qane.

3. Jańa sabaqty pysyqtaý.
- Durys, jaqsy. Men senderge ertegi aıtaıyn. «Apta» degen ata bolypty, onyń jeti uly bar eken. Sol uldary búgin bizge qonaqqa kelipti. Birinshi uly – Dúısenbi. Ol senderge tapsyrma bermekshi. Endeshe, balalar, ınteraktıvti taqtaǵa nazar aýdaraıyq.

1 - tapsyrma. Tolyqtyryp oqy.
Jet..., saba..., k... n, qaza...,... pta.
- Jaqsy, balalar, tapsyrmany oryndadyńdar. Senderge Dúısenbi rıza boldy. Al endi ekinshi ulyn qarsy alaıyq, onyń aty - Seısenbi. Ol qandaı tapsyrmamen kelgenin qaraıyq.

2 - tapsyrma. Suraqtarǵa jaýap ber.
- Seniń atyń kim?
- Sen neshinshi synypta oqısyń?
- Sen qaı mektepte oqısyń?
- Búgin neshe sabaq?
- Qazaq tili neshinshi sabaq?
- Birinshi sabaq qaı sabaq?
- Óte jaqsy. Endi Seısenbi de senderdiń attaryńdy, qaı mektepte oqıtyndaryńdy biledi. Esik aldyna Aptanyń úshinshi uly da kelip qalypty, onyń aty – Sársenbi. Ol bizge ne ákeldi eken?