InfoHub Logo

Aq tuńǵıyq — kópjyldyq sý ósimdigi. Tamyr-sabaǵy sý astyndaǵy topyraqqa tóselip, dóńgelek, júrek tárizdi japyraqtary sý betine jaıylyp ósedi. Gúli keshke jabylyp, kún shyqqanda ashylady. Tuqymy aýa tolǵan jemis qabynda turady. Onda kózge kórinbeıtin sańylaýlar bar. Sol arqyly aýa syrtqa tarap, jeldiń áserinen tuqym sý túbine túsedi. Al kelesi jyly jańa ósimdik ósip shyǵady. Tamyry men tuqymyn sý qustary, ondatr, kámshat, jupartyshqan qorek etedi. Aq tuńǵıyqty baý-baqsha, saıabaqtardy kógaldandyrý úshin de ósiredi. Eger sý temperatýrasy qurlyqtaǵydan tómen bolsa, olar ózen boıyndaǵy qurǵaq jerlerde de óse beredi. Aq tuńǵıyq — sırek kezdesetin, Qazaqstannyń «Qyzyl kitabyna» engen ósimdik.

Mysyrda ejelden aq tuńǵıyq gúline tabynǵan. Sebebi onyń ár gúlinen kún saıyn kún Qudaıy — Ra týady dep sengen.

---