InfoHub Logo

Sabaqtyń taqyryby: Aqparattardyń alýan túrliligi jáne olardy óńdeýdiń tásilderi
Sabaqtyń maqsaty: Oqýshylardy aqparat túrlerimen jáne olardy óńdeý tásilderi arqyly jumys isteýge daǵdyrlandyrý.
Bilimdilik: Oqýshylarǵa aqparattyń túrleri jáne olardy óńdeý tásilderi týraly maǵlumattar berý arqyly bilimderin tereńdetý bir júıege keltirý.

Tárbıelik: Oqýshylardy jaýapkershilikke, uqyptylyqqa oı - qabiletin damyta otyryp jumys isteýge úıretý, pánge degen qyzyǵýshylyǵyn arttyrý.
Damytýshylyq: Oqýshylardyń oılaý órisin, kompúterlik saýattylyǵyn shyǵarmashylyǵyn, tanymdyq qabiletin damyta otyryp, olardyń pánge degen qyzyǵýshylyǵyn, belsendiligin arttyrý.
Sabaqtyń túri: Jańa bilimdi meńgertý
Sabaqtyń ádisi: túsindirý, suraq - jaýap
Sabaqtyń baılanysy: fızıka, matematıka
Sabaqtyń kórnekiligi: oqýlyq, ınteraktıvti taqtany paıdalana otyryp baıandaý
Sabaqtyń barysy: İ. Uıymdastyrý bólimi
a) oqýshylarmen sálemdesý, túgendeý;
á) oqýshylardyń zeıinderin sabaqqa aýdarý.
b) sabaqtyń maqsatymen tanystyrý.
v) suraq - jaýap
d) qorytyndylaý

İİ. Úı tapsyrmasyn suraý.
1. Kózderińdi sharshatpaýdyń joldary qandaı?
2. Kompúterdiń aldynda kóp otyrýǵa bolmaıdy?
3. Kompúterde jumys istegende tehnıka qaýipsizdigi erejelerin qalaı saqtaımyz?

İİİ. Jańa sabaq.
Informatıka páni kompútermen tyǵyz baılanysty. Biraq, kompúter - onyń kómegi arqyly aqparatpen jumys isteýge bolatyn qural ǵana.
Informatıka - aqparatty alý, jınaqtaý, saqtaý, túrlendirý, jóneltý jáne paıdalaný tásilderi týraly ǵylym.
Adamdardyń barlyq qyzmeti aqparatpen baılanysty. Kez - kelgen tamaqty pisirý úshin oǵan qajetti zattar men daıyndaý jolyn bilý qajet, sol sıaqty kompúterlik saýattylyqty ıgerý úshin aqparattyq tehnologıamen jumys isteý daǵdylaryn bilý kerek.
Sender qalaı túsinesińder, aqparat degen ne?
Aqparat - saqtaý. túrlendirý, jóneltý jáne paıdalaný nysany bolyp tabylatyn qorshaǵan álem týraly málimet.
Sender kúnde qandaı da bir aqparat alasyńdar. aqparatty ala otyryp, ony qabyldaısyńdar, ıgeresińder, qaıta óńdeısińder. Adam aqparatty sezim músheleri arqyly qabyldaıdy. Ǵylymdardyń derekteri boıynsha biz aqparattyń 81%- yn kórý arqyly, 10%
- yn - estý arqyly, 4% - yn - ıiskeý, 3%- yn - dám sezý jáne 2%- yn sezý arqyly alamyz.
Adamnyń aqparatty qandaı aqparattyq arnamen qabyldaýyna baılanysty, ol ártúrli bolady. Mysaly, tańerteń saǵattyń shyldyryn adam estý múshesi - qulaqpen qabyldaıdy.
Aqparat kózi qońyraýly saǵat bolyp tabylady. Al aqparatty qabyldaýshy - adam. Aqparat uıqydan oıanatyn ýaqyt kelgeni týraly málimetti jetkizip tur. Aqparattyń mundaı túrin estiletin aqparat dep ataıdy.
Sonymen, adamnyń qabyldaý tásilderi boıynsha aqparat kórinetin, estiletin, dám sezý, ıiskeý jáne sezý arqyly bolyp bólinedi.
Aqparat qasıetteri
Bir ǵana aqparat ártúrli jaǵdaıda ózekti nemese ózekti emes bolý múmkin. Máselen, 2 mamyrǵa arnalǵan aýa raıy boljamy kez kelgen adam úshin1 mamyrda ózekti bolǵanymen,
10 mamyrda ózektiligin joıady. Sonymen, aqparat ózektilik qasıetke ıe.
Aqparat tolyq nemese tolyq emes bolý múmkin. Mysaly, senderdiń dostaryń «Erteń» desin. Eger sender dostaryńa: «Biz kınoǵa qashan baramyz?»degen suraq qoıǵan bolsańdar, onda bul aqparat túsinikti bolady. Basqa jaǵdaıda bul aqparat túsiniksiz bolady, sebebi – ol tolyq emes. Aqparattardyń bul qasıeti tolyqtyq dep atalady.

İÚ. Sabaqty bekitý.
1.«Aqparat» termıni týraly jańadan ne bildińder?
2. Qazirgi kezde aqparattyń qandaı túrleri bar?
3. Aqparattyń qasıetterin atańdar?

Ú. Úıge tapsyrma:
Aqparattardyń alýan túrliligi jáne olardy óńdeýdiń tásilderi.
Úİ. Oqýshylardy baǵalaý