Aqqýdyń zary
Ertede bir sulý qyz ben kúıshi jigit bir-birine ǵashyq bolypty. Kúnderdiń kúninde jigit alys saparǵa attanady. Aman-esen oralyp, qyzdyń aýylyna kelse, ol osydan sál buryn qaıtys bolǵan eken. El-jurty súıegin aýyl shetindegi kóldiń qasyndaǵy tóbeniń basyna jerleıdi. Jigit sol jerge baryp, dombyrasymen qalyńdyǵyn joqtap, kúni boıy zarlana kúı tartady. Kóldiń ortasynda kishkene aral bar kórinedi. Sol araldy aqqýlar mekendeıdi eken. Kól mańyndaǵylar aqqý jumyrtqalaǵan kezde únemi salǵa minip baryp jumyrtqasyn alyp ketip otyrypty. Jigit súıgenin joqtap muńaıyp otyrsa, balapandarynan aıyrylyp suńqyldap, tynymsyz ushyp júrgen jalǵyz aqqýdy kóredi.
— Bul dúnıede ushqan qus, júgirgen ańnyń bári de muńdy, bári de zarly eken ǵoı, — dep álgi kúıshi jigit aqqýdyń zaryn kúıge qosyp tartqan eken...
You Might Also Like
-
Uly júzde Taılaq degen kisi ótipti. Taılaq batyr asqan sybyzǵyshy adam bolypty. Taılaq batyr «Aıraýyqtyń ashshy kúıin» óziniń Sheker men Baraq deıtin eki ulyna arnap shyǵarǵan desedi.
-
Ertede bir qazaqtyń janynda jaqsy kóretin, qasqyr men túlkige naızaǵaıdaı túsetin ańshy búrkiti bolypty. Ol kóp jyl ómir súrip, aqyrynda qartaıyp ańshylyqqa jaramaıdy. Onyń qanat júni sırep, quıryǵyn...
