InfoHub Logo

6 synyp
Taqyryby: Aqshany qalaı tabýǵa bolady? (Tanymdyq sabaq)
Maqsaty:
● Oqýshylardyń aqsha taqyrybynda ótilgen materıaldardy qaıtalaý jáne tolyqtyrý.
● Mektep oqýshylaryna aqshany qandaı eńbekpen keletindigin túsindire otyryp, olarǵa oıyn júzinde kórsetý.
● Olardy eńbekke baýlý, jáne topta jumys isteý daǵdylaryn qalyptastyrý.
Kórnekiligi: Interaktıvti taqta, slaıdtar, aqshanyń sýretteri.
Uıymdastyrý kezeńi.
6 - synyp oqýshylaryn 3 topqa bólý, toptarǵa toptyń atyn berý.
I top: Teńgeler
II top: Dollarlar
III top: Evrolar

1 - tapsyrma:
Bilgim keledi, qorqynysh, qýanysh, tań qalý, jańalyq, titirkený, qyzyǵýshylyq,
Osy sózderdiń ishinen ózderińniń jandaryńa naqty ýaqytta qaı sezim jaqynyraq ekenin kórsetetin sózderdi tańdańdar jáne nelikten ekenin qysqasha túsindirip berseńder.
Muǵalim sózi: senderdiń bul jaǵdaılaryń maǵan túsinikti sebebi sender búgingi jıynymyz ne týraly bolatynyn bilmeı otyrsyńdar.
Taqyrypqa kirispe:
Nazarlaryńdy taqtaǵa aýdarsańyzdar! (Aqshanyń sýretteri bar slaıdtar shyǵady)
Al endi búgingi taqyryp ne týraly bolady dep oılaısyńdar? (Balalardyń jaýaby: - aqsha)
Durys aıtasyńdar búgin biz aqsha týraly alǵan bilimderimizdi tolyqtyryp jáne aqshany qalaı tabýǵa bolatyny jóninde málimet alamyz.
Iaǵnı búgingi mektebimizdegi 6 - synyp oqýshylar arasyndaǵy mektepishilik is - sharamyzdyń taqyryby: «Aqshany qalaı tabamyz?»
Eń alǵashqy suraq – sender «aqsha» degen sózdi estigen kezde senderdiń kóz aldaryńa ne elesteıdi jáne aqsha sózin qandaı sózdermen baılanystyra alasyńdar?
Aqsha
↓
Tynyshtyq---qorqynysh
molshylyq----joqshylyq
múmkindik----tarshylyq
kek------qaıyrymdylyq


Al balalar qalaı oılaısyńdar men nege osy sózderdi eki baǵanǵa bólip jazdym bul baǵandaǵy sózderdi qalaı eki topqa bólýge bolady?
(Oqýshylar jaýaby: jaqsylyq pen jamandyq)
Aqsha adam ómirinde adammen birge egiz júredi. Eger de sizder aqsha tek qana úlken kisilerdiń ómirinde qıyndyq týǵyzady dep oılasańyzdar, onda qatelesesizder. Aqsha jónindegi qıyndyq bul kishkene balalardyń ómirine de tikeleı baılanysty bolyp keledi. Qoǵamda mynadaı oı qalyptasqan: eger de úlkenderde aqsha kóp bolsa, onda sol otbasyndaǵy kishkene balalardyń múmkindigi de kóp bolady. Qazirgi tańda, naryq zamanynda kez kelgen jasóspirim biledi, adamnyń barlyq qundylyqtary, qajettilikteri tek aqshamen ǵana ólshenedi.
2 - tapsyrma:
Mı shabýyly oıyny:
Naryqtyq ekonomıka qazirgi tańda problemalardy kóbeıtti. Endigi kezekte osy problemalardyń birnesheýin qarastyryp kóreıik. Sol sebepten men sizderdi 3topqa bólip tastadym. Ár topta aldaryńyzda qaǵaz betterinde tapsyrmalardy oryndaımyz.
Sizderge tapsyrma qysqa mátin jazylǵan tablısamen tanysyp, sondaǵy problemalardy oń jaqtaǵy qorytyndymen sáıkestendirip, soǵan túsinik beresizder.

Qysqa mátin
1 Aýlada kishkene balalar oınap júr. Órken baıqamaı Samaldyń jempirin búldirip aldy.
● Sen ne istediń,- dep aıqaılady Samal.
● Keshir meni, men baıqamaı tıip kettim,- dep daýysyn jaı ǵana shyǵardy.
● Maǵan bul jempirdi ákem alyp bergen edi 2500 teńgege,- dedi Samal
Otbasynda tek qana aqsha qaǵıdasy qalyptasqan.
2 Otbasynda qıyndyq týyndaǵan 9 jasar Altynaı alladan surap otyr:
«E alla taǵala, meniń otbasyma sennen aqsha suraımyn tek jaı ǵana emes, anama dári - dármekke, ol dárilerin iship tezirek em alyp aýrýhanadan shyǵyp, úıge qasyma keledi. Sodan keıin ákeme turaqty jumys taýyp bershi. Eń sońǵysy, synyptaǵy Ásel men Janar menimen dos bolsa, olardyń oıynsha baılar baılarmen, kedeıler kedeılermen dos bolýy kerek, solar basqasha oılaıtyn bolsa.» Aqsha bir qoǵamnyń bólinýine yqpal etedi.
3 Eki qurby áńgime barysynda bir birine shaǵymdanyp otyr:
● Úlken balama úı satyp alyp berý kerek edi, biraq bizge unamaıtyn jerlerden usynyp otyr. Men eki jyl buryn osy páterdi alǵan kezimde jolym boldy baǵasy da qol jetimdi jáne kólik te ala aldyq.