InfoHub Logo

Rýy — Ysyq, On eki ata Baıuly, Qamys-Samar jerin jaılaǵan, Júsipqalıdyń bes uly bolǵan. Olar: Amanǵalı, Baqtyǵalı, Dáýletqalı, Músirǵalı, Saıdyǵalı.

Júsipqalı baı bolmasa da orta sharýadan joǵary degendeı, sharýasy bolǵan. Júsipqalıdyń ózi shyndyqty betke aıtatyn týrashyl, qıanatqa jany tózbegen, ádiletti kóksegen adam. Sondyqtan onyń tiline, minezine qarap, baı-manaptar jaqtyra bermegen.

Ol bir kerekke jaraıdy-aý degen dos-joldas, aǵaıyn-týmalaryn synaý úshin borandatyp, úskirik aıazdy kúnderdiń túnderinde tún ortasy aýa úsip-shashyrap olarǵa bara qalady eken. Onyń bul syryn túsingender quraq ushyp qarsy alyp, shaldyrmaýdyń qamyn jasaıdy eken. El onyń qyńyr, shálkes minezine oraı «Qarakesir» dep atap ketken eken.

Jyldardan jyldar jyljyp ótip, bostandyq týy jelbirep, Sovet ókimeti ornaı qalganda Júsipqalı jetpis bir baıdyń biri bolyp, konfeskelengen bolatyn.

Júsipqalıdyń ózimen baqtalas bolyp júrgen Janshýak degen baı kórshisimen dám-tuzy bir jaraspaýshy edi. Sol Janshýaq baı men Júsipqalıdy ustap, qalaǵa mılısıaǵa alyp kele jatqanda Júsipqalı:

— Iá, Janshýaq, qalaı? Ekeýimiz búkil Qamys-Samarǵa syımaýshy edik, endi mine, ekeýimizdi alaqandaı jaıdaq shanaǵa syıǵyzyp jibergen ókimetten aınalaıyn, — degen eken.

---