InfoHub Logo

Taqyryby: Araıly kúz, altyn kúz
Maqsaty: Balalardy kúz keremetimen tanystyrý. Kúz týraly túsinikterin keńeıtý. Tabıǵatty qorǵaýǵa tárbıeleý.
Kórnekiligi: Ásem sharlarmen bezendirilgen zal, slaıd. Merekege saı bezendirilgen zal. Ádemi sazdy áýen oınalyp turady. Búldirshinder tárbıeshimen birge kirip, oryndyqtarǵa jaıǵasady. Balalardyń qoldarynda japyraqtar.
Júrgizýshi: Qurmetti qonaqtar, áriptester! Búgin «Araıly kúz, altyn kúz» atty erteńgiligine qosh keldińizder.
Armysyzdar, halaıyq,
Barmysyzdar halaıyq!
Kúzgi toıdy jup jazbaı,
Kelińder qarsy alaıyq!
- Qarańdarshy, búgin bizdiń zalymyz qandaı ádemi bolyp ketken.
Qolymyzǵa ne ustap keldik?
Balalar: - Japyraqtar.
Júrgizýshi: Osy japyraqtardyń túsi qandaı?
Balalar:- Sary.
(Syrttan bir dybys estiledi, jeldiń shýy)
Júrgizýshi: Balalar, tyńdańyzdarshy bul ne shý? (Osy kezde ádemi áýenmen Kúz hanshaıymy keledi)
Kúz hanshaıymy: Ýa, halaıyq, darhan dalam armysyń,
Tabıǵatym jany jaısań tal músin
Hanshaıymy Kúzdiń búgin kelip tur,
Almaq bolyp bar halqymnyń alǵysyn.
- Men – Kúz hanshaıymymyn. Senderdi kórgenime qýanyshtymyn.
Júrgizýshi: Qosh keldiń, Kúz hanshaıymy! Tórlet!
Kúz hanshaıymy: Balalar, men senderge bir jumbaq jasyraıyn.
Aǵaıyndy bári,
Shyqsa - jasyl,
Tússe sary. Bul ne?
Balalar:- Japyraq.
Kúz hanshaıymy: Durys taptyńdar, jaraısyńdar! Men ózimmen altyn japyraqtarymdy ala keldim. Ár japyraǵymda tapsyrmalar. Eger de tapsyrmamdy oryndasańdar, meniń de senderge degen syılyǵym bar.

Júrgizýshi: Árıne, qymbatty Kúz hanshaıymy! Bizdiń balalar Kúz týraly óleń, taqpaq, jumbaqtar sheshe alady. Siz jaılanyp otyryp, balalardyń
ónerin tamashalańyz.
Hor: «Kúzge sálem»
Júrgizýshi: Mine Kúz hanshaıymnyń birinshi tapsyrmasy - suraqtar.
1-suraq: Kúz mezgili neshege bólinedi? (Erte kúz, altyn kúz, qara kúz)
2-suraq: Kúz aılaryn ata (Qyrkúıek, qazan, qarasha)

Júrgizýshi: Endeshe ortaǵa Kúz aılaryn shaqyraıyq.

Qyrkúıek: Mádı
Kúz maýsymynyń alǵashqy aıy - qyrkúıek.
Ol erlik pen eńbek aılarynyń biri.
Qoıma altyn astyqqa tolady.

Qazan: Arýjan
Kúz maýsymynyń ekinshi aıy - qazan.
Bul aı - jıyn - terin aıaqtalatyn, dıhandar eńbek jemisine
keneletin bereke aıy, berekesin qýanyshtaıtyn mereke aıy.

Qarasha: Aqtolqyn
Kúzdiń sońǵy aıyn qazaqtar qarasha deıdi. Qarasha dese degendeı,
aınala qońyrqaı tartady. Aǵash - quraı japyraǵynan aıyrylyp, orman –
toǵaı sıreıdi. Qara sýyq túsip, qys demi seziletin kez.

Júrgizýshi: Minekı, balalar Kúz aılarymen tanystyńdar.
Júrgizýshi: Kezegimizdi merekelik taqpaqtaryna bereıik:
Ámına:
Jemisti mol teretin
Kúz dos eken bizdermen
Bárin taýyp beretin
Jomart eken, kúz degen.

MKQK «Nurbóbek» ıaslı – baqshasynyń
Ótkizgen tárbıeshi: Baıdalıeva. L. J.

Araıly kúz, altyn kúz. júkteý