InfoHub Logo

Sabaqtyń taqyryby: Arman – jarqyn bolashaq beınesi
Sabaqtyń maqsaty:
- Jeke bastyń isin qoǵamdyq ortaq tilekpen ushtastyra bilýge úıretý, ómirge ózinen degen ásemdik sezimin arttyrý.
- Arman týraly, onyń áleýmettik, qoǵam sıpaty, armanǵa jetý joldary jáne izgilik qasıetterin damytý.
- Oqýshylardyń taldaý, saraptaý daǵdylaryn damyta otyryp,
ásemdikti sezine bilýge tárbıeleý.
Resýrstar:(quraldar, málimetter)

Sabaq barysy:
Uıymdastyrý kezeńi.
Sabaqtaǵy jaǵymdy kúıge kelý, tynyshtyq sáti «Nurǵa bólený»
Úı tapsyrmasyn tekserý.
№13 sabaqtaǵy M. Shahanovtyń «Arman» mátinin oqyp kelý tapsyrylǵan.
- Eki jastyń boıynda qandaı ortaq qasıetter bar?
- Oı alshaqtyǵy neni meńzeıdi?
- Armannyń adam bolashaǵyna áseri qandaı?
- Al balalar, senderdiń armandaryn qandaı?

Sabaq barysyn taldaý:
Dáıeksóz.
«Arman degen kóp beles - birine shyqsań, biri bar»
Ǵ. Mustafın
(Dápterlerine jazdyryp, oqýshylarǵa daýystap oqytyp, óz oılaryn ortaǵa salý)

Áńgimeleý
Áńgime «Arman taý»
Ertede bir úıdiń eki uly bolypty. Biriniń aty Aıdan, ekinshisiniń aty Nurdan eken. Ekeýiniń aqyldy, sabyrly, kórkem minezdi balalar ekenin búkil aýyl biledi eken. Olar únemi aqsaqaldardan, ózderiniń áke, sheshelerinen kóp adam bara almaıtyn bir taý bar ekenin, onyń eń bıiginde jalǵyz gúl ósetinin estıdi. Osy gúldi kimde - kim sheshelerine syılasa, sol balanyń anasy dúnıedegi eń baqytty adam bolyp, barsha tilekteri oryndalady eken. Adamdar bul týraly qanshama estip júrse de, alys taýdy izdep shyǵýǵa táýekelderi barmaıdy.
Al, analarynyń barlyq izgi tilekteri oryndalyp, baqytty bolǵanyn qalaǵan aıdan men Nurdan taýdy izdeýge shyǵady. Bulardyń alys taýǵa qasıetti gúldi izdep ketkenin aýyl túgel estıdi.
Keıbireýleri aman aman-esen keletinine senbese, bireýleri úlken úmitpen kútip júredi. Eki bala alys - alys jol júredi, qatty shóldeıdi, qaryndary ashady, sharshaıdy. Biraq soǵan qaramaı taýdyń bıigin shyǵyp, Gúldi de tabady. Kez kelgen jerde óspeıtin tańǵajaıyp gúldi aýyldaryna ákelip, analaryna syılaıdy. Aýyl túgel jınalyp, tańǵajaıyp gúldi kózderimen kórip qýanady. Aqsaqaldar «endi aýylymyz kórkeıedi» dep balalarǵa alǵys aıtady. «Alys taýǵa» baratyn jol salyndy dep jar salady.
Aıdan men Nurdannyń tek qana jaqsylyqpen izgilik oılaıtyn anasynyń buryn armandaǵan barlyq tilekteri oryndala beredi. Jańbyr jaýmaı qınalǵan aýylǵa qaıta - qaıta jańbyr jaýady, jer kógeredi, egin ósedi. Aýyl balalarynyń ishindegi aqyldylary «alystaǵy taýǵa asyǵyp, tańǵajaıyp gúldi» ákelip analarynyń, eldiń yqylasyna bólenip jatady. Al, bireýleri sharshap, shaldyǵyp, jarty joldan qaıtyp keledi. Sóıtip bul aýyl keremet shaharǵa aınalady. «Alystaǵy taý men gúl» Nurdannyń esimderin halyq qadir tutyp óz balalaryna úlgi qylady.

Suraqtar:
1. Balalardyń armany qandaı edi?
2. Balalar óz armandaryna boıyndaǵy qandaı qasıettiń arqasynda jetti?
3. Al sender balalar, óz armandaryna jetý úshin qandaı qundylyqtar qajet dep oılaısyńdar?
Shyǵarmashylyq jumys, toptyq jumys.
«Meniń armanym» taqyrybynda shaǵyn shyǵarma jazý.
(Baıaý mýzyka qosylady)
Toppen án aıtý.
«Aq jelken arman»
Sózi: U Esdáýletovtiki
Áni: T. Muhamedjanovtiki
Aq jelken arman
Buldyrap aldan
Jaǵada turmyn daýystap
Balalyq kezim,
Beıkúná sezim,
Aq jelken bolyp alystan
Ókinip keıde
Óksıdi keýde, Ómirdiń zańy qatal – aq
Aq jelken deıin,
Ańsatty - aý keıin,
Alǵashqy móldir mahabbat
Aq peıil aspan,
Monshaǵyn shashqan,
Kóz jasy beker tizilmes
Aq jelken arman,
Shaqyrar aldan,
Úmittiń jibi úzilmes
Úı tapsyrmasy.
№14 sabaq. 63 bet N. Kelimbetov «Úmitimdi úzgim kelmeıdi» mátinin oqý.

Sońǵy tynyshtyq sáti.
Kózimizdi jumyp, tynyshtyqta búgingi sabaǵymyzdy esimizge túsireıik. Búgingi sabaǵymyzdan alǵan áserimizdi júregimizge ornataıyq. Árdaıym jaqsyny kórýge, jaqsyny estýge, jaqsyny aıtýǵa úıreneıik. Aınalamyzdaǵy adamdarǵa, jan – janýarlarǵa, qustarǵa rıasyz jaqsylyq jasaıyq, eshkimge eshýaqytta qıanat jasamaıyq. Endi tynyshtyq kúıde otyra turyńyzdar. Kózderińizdi ashýǵa bolady.

Arman – jarqyn bolashaq beınesi. júkteý