Aıtpashy,aıtpasań da bilem, bilem,
Bilemin de kúlemin, renjimen.
Ázirge kózim de ashyq, kóńilim de ashyq,
Jylandy ajyratam jyly óńdiden.
Múmkin, qaqyń bar shyǵar maqtanýǵa,
Alaıda, asyp-tasyp, aqtarylma.
Kimder bolyp, al kimder bolmaı jatyr,
Aýmaly da tókpeli shaqta myna.
Baqytty bol, juldyzyń janǵan shyǵar,
Kez emes qoı, biraq ta arman tynar.
Bir armannyń beline mingenińmen,
Bir armanyń bulaqtap aldan shyǵar.
Adam, sirá, baqytyn mise etken be,
Armandaıyq, armansyz kisi ótken be.
Baılamy joq baqytqa quldyq urmaı,
He jetsin arman qýyp, is etkenge.
Kóńilimizdi baqytpen aldandyryp,
Arman qýyp kelemiz, arman qýyp.
Arman barda, armanǵa toqtaý bar ma?
Jan bar ma eken armanǵa salǵan quryq?!

---