InfoHub Logo

Taqyryby: Artyq, kem, teń túsinikteri.
Maqsaty:
- Oqýshylarǵa artyq, kem, teń túsinikterin tanystyryp, zattar jıynyn sany boıynsha salystyrýǵa úıretý;
- Artyq, kem, teń tańbalaryn durys qoldanýǵa daǵdylandyryp otyryp, balanyń logıkalyq oı - órisin damytý;
- Dápter tazalyǵyna, uqyptylyqqa tárbıeleý;
Ádis – tásilderi: suraq - jaýap, túsindirý, áńgimeleý, kórnekilik, problemalyq.
Kórnekiligi: sýretter, oqýlyq, dápter.
Sabaq túri: aralas sabaq

Sabaq barysy:
• Uıymdastyrý kezeńi:
Oqýshylardyń sabaqqa zeıinin aýdarý;
Sabaq quraldaryn túgendeý;

• Ótken sabaqty qaıtalaý:
- Qosý kezinde órnektiń máni kemı me? Arta ma?
- Azaıtý kezinde órnektiń máni she?

• Jańa sabaq
Taqtaǵa 2 kók, 1 qyzyl sharshy qoıý.
- Qandaı sharshylar kóp?
Sıfrmen qyzyl sharshynyń sanyn kórset.
2 sıfrynyń oń jaǵyna qoı. Qandaı sıfr zattardyń sanyn artyq ekenin kórsetedi? Kóp, az tańbalaryn tanystyrý. 2 sany 1 - den artyq.
Budan keıin teń tańbasy tanystyrylady. Jattyǵýlar oryndata otyryp, teńdik, teńsizdik qurýdy úırenedi.
Oqýlyqpen jumys:
№1. Oqýshylar sýret boıynsha teńdik, teńsizdik qurý jáne olardy oqýǵa jattyǵady.
Ne artyq - krýjkalar ma nemese tárelke me?
Ne kem - qasyqtar ma nemese tárelkeler me?
Shanyshqylar men pyshaqtar she?
3>1 3=3 2

№3. Aldymen berilgen sýret boıynsha jumys jasaý. Ústeldiń betindegi zattardy sanaý. Sodan keıin qorǵaýdy ishine salynatyn zattyń sanyn anyqtaý. Sýret salynyp bolǵannan keıin torkózge sáıkes sandar jazylyp, balalar qandaı tańba qoıatynyn aıtady. Tańbany sandar arasyndaǵy juldyzshanyń ústine jazady. Sáıkes matematıkalyq jazý alynǵannan keıin balalar ony durys oqýǵa jattyǵady.

№4. Óz betinshe jumys.
Shyǵarmashylyq tapsyrma. Berilgen sýretten oqýshylar artyq fıgýralardy tabý.

Sabaqty qorytyndylaý.
Oqýshylardan sabaqta nemen shuǵyldanǵandaryn, jańadan ne úırengenderin, dápterge tapsyrmany qalaı oryndaǵandyqtary týraly suraıdy. Balalardy óz jumystaryn ózderi baǵalaı alýǵa degen qyzyǵýshylyqtaryn arttyrý mańyzdy bolyp tabylady.
Baǵalaý - madaqtaý.

Artyq, kem, teń túsinikteri. júkteý