InfoHub Logo

Ata - analarǵa arnalǵan trenıń
Sálemetsizder me! Qymbatty ata – analar! áriptester!

Búgingi «Barlyq álem men úshin!» aptalyǵyna oraı uıymdastyrylǵan «Ata – analarǵa arnalǵan» trenıńke qosh keldińizder.
Maqsaty: sizderdiń kóńil – kúılerińizdi jaqsartý, birigip jumys isteý júıesin damytý, oı qozǵatý, ádistemelik kómekter berý.
Qatysýshylar: ata – analar, muǵalimder
Jumys túri: toptyq
Kórnekilikter: taqta, beıne slaıd, flamasterler, vatman t. b
Jospar:
1. Gúl beınesindegi otbasyn tanystyrý.
2. «Baqyt degen ne ózi»
3. Aıaqtalmaǵan sóılem
4. Ata – analarǵa sóılem
5. «Sýretter sóıleıdi» oıyny
6. Flesh – mob
7. Relaksasıalyq jattyǵý
8. Sabaq aıaǵyndaǵy kóńil – kúıdi kórsetý.

Júrgizýshi: Trenıńti bastamas buryn, tanysyp alaıyq, «Gúl beınesindegi otbasyn tanystyrý» oıynyn ótkizeıik. Árbir qatysýshy óz otbasyn gúl beınesinde salyp tanystyryp ótedi.
Kelesi jattyǵýymyz «Baqyt degen ne ózi» dep atalady.
Kez kelgen adamnan ómirdegi eń qalaýly nársesi ne ekenin surańyzshy. « Men tek baqytty bolǵym keledi» Biz bárimiz de sol úshin ómirge kelgenbiz. Biraq baqyt degen ne?
Ata – analar, qatysýshylar óz oılarymen bólisedi.
Ortaǵa klass jetekshi shaqyrylyp tapsyrma beriledi; búgingi qatysýshylardyń ishinen eń baqytty degen kisilerdi oryn - ornymen turǵyzý.
Árıne «Qanaǵat qaryn toıǵyzady», endeshe qanaǵat bolǵan jerde baqyt ta bolady. Basqalarǵa qýanysh, baqyt syılasań, ózińde baqytqa kenelesiń. Ómirdiń qyzyǵy da osynda!
«Aıaqtalmaǵan sóılem»
5 – 6 qatysýshy úlestirmeli qaǵaz tańdap alady. Berilgen sóılemdi aıaqtaý qajet.
Sábı baqyty, ol –
Ata - ana baqyty, ol –
Áıel baqyty, ol –
Er - azamat baqty, ol –
Ustaz baqyty, ol –
Barlyqtaryńyzdyń pikirlerińizge kóp - kóp rahmet.
Ata - analarǵa usynys!
(oqylyp, taratylady)
Relaksasıaly jattyǵý. (jaǵymdy, jaı áýen tyńdalady)
Júrgizýshi: yńǵaıly otyryńyz. Búgin biz ushqysh kilemimen saıahatqa shyǵamyz. Kilem aýaǵa kóterilýi úshin bosańsýymyz kerek. Bul sizdiń qolyńyzdan keledi. Kózimizdi jumamyz. Qolymyzdyń saýsaqtary jylynady, qolymyz jyly jáne aýyr. Jylý aıaq qoldan joǵarylap, ish, keýde, arqaǵa jyljydy. Betińiz bosańsydy. Ushqysh kilem jaımen joǵary kóterilip keledi. Mine, ushyp ta kettińiz....
... Úlken ústeldiń ústimen ushyp barasyz. Shaǵalalar ushyp júr. Jaǵalaýda qaıyqtar terbelip tur. Kógildir bulttar jóńkilýde. Bulttardyń keıbireýi úlpildek qoıanǵa, bireýleri maqtaǵa, kishkentaılary aq mysyqqa uqsaıdy. Kilem aqyryndap jerge túsip kele jatyr. Mine, siz ádemi baqtyń ishindesiz. Aınala gúlge toly, bári sizge basyn ızep, sálem berýde. Siz baqtaǵy soqpaq jolmen júrip alańqaıǵa shyqtyńyz. Balalar dop oınap júr. Sizdiń aıaǵyńyzǵa dop domalap keldi. Siz dopty kóterip, joǵary laqtyrasyz, dop ushyp ketti. Bul nemene? Sizde ushyp barasyz. Ózińiz ushqysh kilemsiz ushtyńyz. Qolyńyz eki jaǵyńyzda qus sıaqty ushyp ketesiz. Mine, sizge tanys kól kórinedi, shaǵalalar qanattaryn bulǵap sálem joldaýda. Qaıyqta otyrǵan balyqshy sizge qol bulǵaıdy.
Siz ári qaraı ushasyz. Qasyńyzda úlpildek mysyq sıaqty bult birge keledi. Siz tómen túse bastadyńyz. Mine ornymyzǵa da keldik. Mysyq sizge ilesip keledi. Jyp jyly mysyq sizdiń aldyńyzda otyr. Ony sıpańyz da qasyńyzǵa otyrǵyńyz. Serýen sizge unady dep oılaımyn.
Endi aldaryńyzdaǵy stıkerlerge serýende kórgenderińizdiń sýretin salyp, tilek tilep, taqtaǵa tabıǵat beınelengen plakatqa japsyryńyz, daýystap oqyńyz.
Sabaq aıaǵyndaǵy kóńil - kúıimizdi kórsetemiz.
Estelikke sýretke túsý