InfoHub Logo

Ana tili 2 «A» klass
Sabaqtyń taqyryby: Ata – anany qurmetteý týraly
Sabaqtyń maqsaty:
a) bilimdik: Qabýsnamadan keltirilgen úzindini durys, túsinip oqýǵa úıretý.
á) damytýshylyq: saýatty, júrgizip oqýyn, tildik qoryn damytý.
b) tárbıelik: ata - anany qurmetteýge, syılaýǵa, kóńilin taba bilýge, renjitpeýge tárbıeleý.
Sabaqtyń tıpi: aralas
Sabaqtyń túri: saıahat, saıys
Sabaqtyń ádisi: ıllústratıvti – túsindirmeli, reprodýktıvti
Sabaqtyń quraldary: ınteraktıvti taqta, vıdeo, dıktofon, mınýs mýzyka.
Sabaqtyń kórnekiligi: Qabýsnama, oqýlyq, dápter, baǵalaý kartalary, álem kartasy,
kesteler, ata - ana sýretteri, top attary jazylǵan qaǵazdar, aǵash
sýretteri

Sabaqtyń barysy
İ. Uıymdastyrý
A) Sálemdesý, oqýshylardy túgeldeý
á) Oqý quraldaryn aldyrý
b) Synyp tazalyǵyn qadaǵalaý
v) Oqýshylar zeıinin sabaqqa aýdarý

İİ. Úı tapsyrmasyn tekserý
Ushqan uıa
Baýyrjan Momyshuly
(Mátindi sahnalaý arqyly kórsetedi)

İİİ. Psıhologıalyq daıyndyq
Baqytty balalyq shaq (vıdeorolık kórsetý)

İÚ. Jańa taqyryp
1. Qabýsnama – ertede jazylǵan úgit - nasıhatqa toly kitap. Ony jazǵan adamnyń esimi – Qaıqaýs. Ol bul kitapty óziniń ulyna arnap jazǵan.
2. «Qabýsnamadan» keltirilgen úzindini tyńdaıyq.
(Mátindi dıktofonnan tolyǵymen tyńdatý)
Qaıqaýs
Ata – anany qurmetteý týraly
Eı, perzentim, ata - anany qurmetteýiń qajet ekenin aqyl - oı, parasat turǵysynan baıqap bilgeısiń. Óıtkeni árbir perzenttiń tegi ata - ana ǵoı. Ne úshin ata - anamdy qurmet jasaımyn dep oıyńa da alma. Olar sen úshin ózin ólimge de qıatyny belgili.
Eı, perzentim, ata - anańdy eshqashan renjitýshi bolma... Olardyń kóńil - kúıine qaıaý salyp, qapalandyrmaǵyn.
Seni jan - tánimen jaqsy kórip, tárbıelep júrgen ata - ananyń kóńilin qaldyratyn qurttaı is jasasań, sen eshqandaı da jaqsylyqqa laıyqty jan emessiń. Óıtkeni kimde - kim ata - ananyń jaqsylyǵyn bilmese, basqa bireýdiń jaqsylyǵyn da baǵalamaıdy. Eger sen óz perzentim qurmettesin deseń, sen de ata - anańdy qurmette. Sen ata - anańa ne isteseń, saǵan perzentiń de sony jasaıdy. Perzent jemiske, ata - ana jemis aǵashyna uqsaıdy.