InfoHub Logo

Bilim berý sala: Qatynas
Uıymdastyrylǵan is - áreket: Til damytý
Taqyryby: «Ata - baba dástúri amandyqtyń belgisi»
Maqsaty: 1. Balalardy kıiz úı qurlysymen tanystyrý.
2. Balanyń sózdik qoryn molaıtý arqyly, salt – dástúr týraly uǵymdaryn qalyptastyrý
3. Balalardyń boıyna ata – mura qundylyqtaryn qasterleýge salt – dástúrdi bilip – úırenýge tárbıeleý.
Sabaqtyń ádis – tásilderi: Túsindirý, áńgimeleý, oıyn suraq – jaýap, jumbaq sheshý.
Sabaq kórnekiligi: Kıiz úı tigilgen, kıiz úı jabdyqtary.

Tárbıeshi: Balalar qonaqtarmen amandasaıyq..
Shattyq sheńber oryndalady.
Keń dalanyń ejelgi,
Qazaq deıtin halqymyz.
Ózge ulttaı bizdiń de,
Bar dástúr men saltymyz.

Tárbıeshi: Balalar biz neniń ishinde turmyz?
Balalar kıiz úıdiń ishinde turmyz dep jaýap beredi.
Balalar kıiz úıdiń qural – jabdyqtaryn, qurlysyn kim biledi ataı alady.
(balalar ıá, joq dep jaýap beredi)

Tárbıeshi: Dıdaktıkalyq oıyn «Kıiz úı» oınatylady.

Kóterilip shańyraq (qoldaryn joǵary kóteredi)
Ýyqtary shanshylyp (qoldaryn joǵary kóteredi)
Keregeler kerilip (alaqandaryn ashady )
Órim deı bolyp óriler (qoldaryn belge qoıady)
Bárimiz birge júrsek aınalyp, kıiz úı bolyp kóriner.

Tárbıeshi: Endeshe balalar men sizderge qazaqtyń kıiz úıi týraly túsindirip óteıin. Tárbıeshi kıiz úıdiń qural – jabdyqtarymen tanystyryp, qazaq halqynyń salt – dástúrin baılanystyra otyryp kıiz úı týraly mol maǵlumat beredi.

Balalardyń jaýaby: Kıiz úı qurlysyn atap beredi.
- Kerege, shańyraq ,,ýyq,,
bosaǵa, syqyrlaýyq,
tabaldyryq, mańdaısha.
Kıiz úı jabdyqtaryn atap beredi.
- İrgelik, týyrlyq, úzik, túndik, shı, esik.

Sergitý sáti: Kel balalar turaıyq,
Úlken sheńber quraıyq.
Shańyraqty kóterip,
Keregeni quraıyq.
Ýyqtarsha ıilip,
Shańyraqqa qosylyp.
Qazaq úıdi quraıyq..

Tárbıeshi: Balalardan kıiz úı týraly kim taqpaqtar biledi jatqa aıtady.

1 – bala: Qabyrǵasy tor kóz,
Tóbesinde zor kóz. (Kerege, Shańyraq)

2 – bala: Tumsyǵyn tesip.
Júnnen buıda esip
Qazyqqa baılady. (Ýyq )

3 – bala: Tóbedegi kózinen.
Kún sáýlesi túsedi.
Buryshy joq tórinen.
Samal erkin esedi. (Kıiz úı )

4 – bala: Jetpis eki naızasy.
Biriktirip turady. (Shańyraq)

Tárbıeshi: Balalar biz búgingi sabaǵymyzda ne bildik, ne úırendik. Neniń qurlysymen tanystyq?
- Kıiz úıdiń qandaı qural – jabdyqtaryn bildińder?
- Kıiz úıdiń qurylysy qalaı atalady eken?

Balalar jaýap top bolyp suraqtarǵa jaýap beredi.

Tárbıeshi sabaqty qorytyndylaıdy.
Balalar búgingi sabaqqa barlyqtaryń jaqsy qatystyńdar.
Kıiz úımen tanys ekenderińdi tanyttyńdar. Sabaqqa jaqsy qatynasqan balalardy madaqtaý.

Tárbıeshi jumbaq jasyryp sabaqty qorytyndylaıdy:
Tóbedegi kózinen.
Kún sáýlesi túsedi.
Buryshy joq tórinen.
Samal erkin esedi. (Kıiz úı)