Attandyryp tym tátti sátterimdi,
Men aıaqtap kelemin dápterimdi.
Sátterimdi aıttym ba, átteńimdi,
Áıteýir jýyp aldym pák kóńildi.
Anda-sanda aýdaryp paraqtaryn,
Kún batqanyn bilmedim, tań atqanyn.
Betine aq dastarqan tamyp ketti,
Týlaǵan boıymdaǵy sharap-qanym!
Jyrym, syrym - ekeýi egizderim,
Ekeýin eki bólek emizbedim.
Jatsam-tursam muń shaǵyp dápterime,
Jabyrqaǵan janyma em izdedim.
Taptym ba ony, bilmeımin, tappadym ba,
Halim kelmeı qajyǵan shaqtarymda!
Jan-jyrym janǵa shıpa bolǵany ras,
Álsirep, sónip bara jatqanymda...

---