Qarý ornyna qamshy alyp,
Jol júrdik bizder qanshalyq.
Qanymyz keýip, tamsanyp,
Bulaqtyń sýyn ańsadyq.
Qaýymǵa qarap, jar salyp.
Qonys izdedik, jan salyp,
Aqyry bizder sharshadyq.
Qalmaǵy shaýyp bir ótti,
Qalǵany shaýyp bir ótti.
Uıyǵan sútteı qaıran el,
Bas aýǵan jaqqa dúr etti.
Qarmadyq bosqa túnekti,
Tappadyq tutam tirekti.
Bermedi taǵdyr tilekti,
Itshilep júrip kún ótti.
Úzilip qalǵan armandaı,
Esh nársege de tańdanbaı,
Esh nársege de aldanbaı,
Dúnıe jıyp, maldanbaı,
Ministen qalǵan tarlandaı,
Júristen qalǵan arlandaı,
Taspasyn tilip, qamshy órip,
Otyrar edi Aýǵanbaı.
Adasyp kóshten qalǵandaı...

---