InfoHub Logo

Túsinik hat

HHİ ǵasyr – bilim berý júıesin aqparattandyrý ǵasyry. Olaı bolsa, Qazaqstan bilim berý júıesin aqparattandyrý elimizdiń damý strategıasynyń negizgi baǵyttarynyń birine aınalyp otyr.
Qazaqstanda jalpy bilim berý júıesin aqparattandyrý aqparattyq qoǵamnyń qalyptasýy jaǵdaıynda qoǵamdyq mańyzǵa ıe bolyp otyr. Bilim berý júıesi tájirıbesinde qalyptasqan jaǵdaılarǵa jasalǵan taldaýlar – jalpy bilim berý júıesin ulttyq, áleýmettik – ekonomıkalyq, rýhanı jáne mádenı qundylyqtarmen birtutas qarastyra otyryp, aqparattyq qoǵamdaǵy ózgeristerge saı túbegeıli qaıta qaraýdy qajet etýde.
Qazirgi kezdegi bilim berýdi izgilendirý men demokratıalandyrýǵa baǵyttalǵan bilim standartyn, oqýdyń ozyq tehnologıalaryn, ınformatıkadan bilim negizderin oqytý prosesine engizý orta bilim berý júıesin aqparattandyrý negizi bolyp tabylady.
Orta bilim berý júıesindegi ınformatıkanyń roli aqparattyq bilimniń, aqparattyq orta men adamnyń ózara qarym – qatynasyn úılesimdi etýdegi jáne aqparattyq qoǵamda kásipkerlik qyzmettiń basty quramdy bóligi bolyp tabylatyn aqparattyq tehnologıany qalyptastyrýdaǵy, sondaı - aq onyń álemniń júıelik - aqparattyq beınesin qalyptastyrýdaǵy alatyn ornymen qamtamasyz etiledi. Informatıkanyń mektepke enýi sonymen birge pedagogıkalyq ǵylymdardyń paradıgmalyq jáne metodologıalyq ózgeristerin talap etetin qazirgi aqparattyq qoǵamǵa sáıkes kelip otyr. Olaı bolsa, orta bilim berý júıesin aqparattandyrýdyń negizi – ınformatıka kýrsynyń mazmunyn ózgertý bolady. Sondyqtan ınformatıkanyń mamandyqqa baýlý kýrsynyń mazmunyn aqparattyq qoǵam jaǵdaıynda anyqtaý negizgi máselelerdiń birine aınalyp otyr.
Aqparattyq qoǵam jaǵdaıynda qyzmet etý salalarynyń barlyq túrin aqparattandyrý – búgingi kúnniń negizgi talabyna aınalyp otyr. Al bul talapty qanaǵattandyrý úshin mamandardy osy baǵytta daıyndaý qajettigi týyndaıdy. Sondyqtan atalǵan qajettilikti sheshý barysynda aqparattyq qoǵamǵa qandaı mamandar daıyndaý maqsatynda oqý baǵdarlamasyn, oqý - ádistemelik keshenderi, elektrondy oqýlyǵy men qoldanbaly programmalyq quraldary jasaqtalǵan.
Búgingi tańda kompúterlik dızaın, web – dızaın, júıelik programmalaýshy, admınıstrator jáne t. b. mamandardyń qajet ekendigin túrli jarnamalyq gazetterden, buqaralyq aqparat quraldarynan da kórýge bolady. Atalǵan mamandyqtardy qalaı daıyndap, olarǵa qandaı programmalyq quraldardy úıretý arqyly jetildirýge bolatyny ádistemelik jumystan ózekti máseleleriniń biri bolyp otyr.
Kompúterlik grafıkany bilmeı qandaı da bolmasyn qujatty bezendirý óte qıyn. Sondyqtan, grafıkaǵa arnalǵan baǵdarlamalardy bilý óte qajet. Qazirgi kezde kompúterlik grafıkaǵa baılanysty kásibı mamandyqtar talap etiletini belgili jáne de ondaı kásipti tańdaǵan azamattar grafıkamen jumys jasaıtyn baǵdarlamalardy besaspap bilýi tıis. Sonda ǵana básekege qabiletti qoǵamda ómir súrý múmkindigi týady.
Baǵdarlamany oqytý barysynda bilimdilik, tárbıelik jáne damytýshylyq maqsattar keshendi túrde iske asyrylýyn qadaǵalaý naqty mindet bolyp tabylady.
Sondyqtan da osy usynylyp otyrǵan baǵdarlama kompúterlik grafıkamen ushtastyra otyryp kásibı mamandyqqa baýlýǵa kómegin tıgizeri sózsiz.