InfoHub Logo

Saıys sabaq: «A. Baıtursynulynyń Qarqaraly jerindegi saıası - aǵartýshylyq qyzmeti»
Sabaqtyń maqsaty: qazaq til biliminiń atasy, qazaq ádebıet teorıasynyń, qazaq baspasóziniń negizin salýshylardyń biri, qazaq mýzyka ónerin zertteýshi, kompozıtor, qazaqtyń «qyryq tóresiniń» biri Ahmet Baıtursynovtyń saıası – aǵartýshylyq qyzmeti týraly oqýshylarǵa teorıalyq bilim berý.
Tárbıelik maqsaty: a) oqýshylardy A. Baıtursynulynyń ómiri men shyǵarmashylyǵyn oqytý, zertteý arqyly otansúıgishtikke, ana tilin, ádebıetin qurmetteýge tárbıeleý, á) oqýshylardy ult ustazyn qurmet tutýǵa tárbıeleý.
Damytýshylyq maqsaty: jan - jaqty zertteý, zerdeleý qabiletterin arttyrý, dúnıetanymdaryn damytý.
Sabaqtyń ádisteri: suraq - jaýap, mánerlep oqý, pikirtalas, zertteý, zerdeleý, saraptaý, shyǵarmashylyq, júıeleý, salystyrý. Syn turǵysynan oılaý tehnologıasynyń elementteri.
Pánaralyq baılanys: Qazaqstan tarıhy
Kórnekilikter: belsendi taqta materıaldary, Kitap kórmesi -«A. Baıtursynulyna 140 jyl», býklet, Ahmet Baıtursynuly shyǵarmashylyǵyna arnalǵan derekti fılmder, slaıdtar, ǵalamtor jelisiniń materıaldary.

Sabaqtyń barysy:
İ. Uıymdastyrý kezeńi:
1) Sálemdesý,
2) Oqýshylardy túgendeý
3) Sabaqqa daıarlyǵyn tekserý.

Muǵalimniń kirispe sózi:
Jón kórsettim qazaq degen namysqa,
Jol siltedim jaqyn emes alysqa
Ózge jurttar órge qadam basqanda
Dedim sen de qataryńnan qalyspa, – dep beıqam jatqan halqyn saýattandyryp, óner - bilimge, mádenıetke jetekteý dep bilgen Ahań ómiriniń alǵashqy qadamdaryn bala oqytýdan bastaıdy jáne sony ózine maqsat etedi.
Úı jumysyn tekserý: «Báıge» oıyny.

Jańa sabaq.
2. «Oı shaqyrý» Test suraqtaryna jaýap berý arqyly jańa sabaqtyń negizgi mazmuny ashylady.
Memlekettik syılyqtyń laýreaty, senator - depýtat Ábish Kekilbaev: «Ahań ulttyq tarıhymyzda eshkimmen salystyrýǵa bolmaıtyn erekshe tulǵa», - degen bolatyn.
Osy qanatty sózdi órbite otyryp, A. Baıtursynulynyń Qarqaralydaǵy saıası – aǵartýshylyq qyzmetine baılanysty oqýshylarǵa shıratý suraqtary beriledi.

«Kókpar» oıyny.
Oıynnyń birinshi taraýy «Altyn qazyna» dep atalady. Oıyn sharty:
Ár oqýshy tek 1 uıashyqtan 1 ǵana suraqqa jaýap berý kerek. Oqýshylar topqa bólinbeıdi. Ár oqýshy ózi úshin upaı jınap, toptan ozyp shyǵý – saıys sharty.
1. Ahmet Baıtursynulynyń alǵashqy muǵalimdik oqý oqyǵan qalasy?
A) Orynbor
Á) Torǵaı
B) Omby
V) Semeı
2. Ahmet esimimen baılanysty Muǵalimkól kóli qaı óńirde ornalasqan?
A) Aqtóbede
Á) Qostanaıda
B) Qarqaralyda
V) Almatyda
3. Qarqaraly irgesindegi Aqterek (Bıdaıyq) eldi mekeninde A. Baıtursynov qandaı oqý ornyn basqardy?
A) 3 klasstyq mektep
Á) medrese
B) barlyǵy durys
V) eki klasstyq orys - qazaq ýchılıshesin
4. Ahmet ózi sıaqty ult zıalylarymen birge jazǵan 1904 jylǵy tarıhı quzyrhat qalaı ataldy?
A) Omby quzyrhaty
Á) Semeı haty
B) Qarqaraly quzyrhaty
V) Qostanaı quzyrhaty
5. Qosh, saý bol, Qarqaraly, jýylmaǵan,
Aıdaı ber qalsa adamyń qýylmaǵan.
Ádepti, sypaıy eldiń qalpynda joq.
Jasyryn dybys shyqty shýyldaǵan.
Búrkenip, arsyzdardyń shaınaýyna
Jem tapty pisirmegen, qýyrmaǵan.
Shyqqan soń talǵamaıtyn dońyzdaryń.
Qasyńa qıyn bolar jýý maǵan,- dep Ahań ne úshin aıtqan edi?
A) Qarqaraly týraly kitabynda
Á) Barlyǵy da durys
B) Qarqaraly týraly zertteý maqalasynda
V) búkil qazaq balasynyń boıyndaǵy arylmas dert, arsyzdyq pen aramdyq ataýlyǵa ses bildirgendeı osy joldardy jyrlap edi Ahań Qarqaralyda aǵartýshylyq jumyspen aınalysyp júrip Semeıge abaqtyǵa aıdalyp bara jatqanda.
6. Qarqaralyda Ahmet jalǵyz bolǵan joq. Onyń qasynda sol kezderi qazaqtyń bir qatar oqyǵan, kózi ashyq azamattary
A) M. Áýezov, S. Muqanov
Á) S. Toraıǵyrov, M. Kópeev,
B) Mirjaqyp Dýlatuly, Álimhan Ermekov, Jaqyp Aqbaev
V) Á. Marǵulan, Q. Sátbaevtar bar edi.
7. Ahmet Baıtursynov Qarqaralyda aǵartýshylyq jumystarmen qatar qandaı jumystarǵa aralasty?
A) bes jyldan asa Qarqaraly kitaphanasynyń jumysyna aralasty
Á) bank jumysyna
B) gazet bastyrý
V) densaýlyq saqtaý qyzmetine
A. Baıtursynulynyń Qarqaraly jerindegi saıası - aǵartýshylyq qyzmeti
8. Qazaq tarıhynda «Alash kezeńi» dep qaı kezeńder alynady?
A) 1900 jyldary
Á) 1890 - 1990
B) Qarqaraly petısıasy jazylǵan 1905 jyl men alash zıalylary jappaı atylǵan 1937 - 38 jyldardyń aralyǵy alynady.
V) 1916 jyldary bolǵan ult azattyq kóterilis jyldary
9. Ol - keńes bıligi tusyndaǵy saıası, memlekettik, aǵartýshylyq qyzmet atqardy; jappaı saýatsyzdyqty joıý maqsatynda oqý - aǵartý salasynda belsendi qyzmet etti, qazaq mádenıetin, ulttyq ónerin órkendetýge súbeli úles qosty, qazaq memleketin qurý jolynda qajyrly eńbek etti. Kim týraly aıtylǵan?
A) A. Qunanbaev
Á) Á. Bókeıhanov
B) Sh. Ýalıhanov
V) A. Baıtursynuly