InfoHub Logo

Taqyryby: Aıaýly meniń - anashym!
Sabaqtyń maqsaty: Oqýshylarǵa kóktemniń alǵashqy analar merekesi týraly maǵlumat berý.
Mindeti:
1. Analar merekesi týraly oılaryn ashyq aıta bilý.
2. Oqýshylarǵa salt - dástúri men ádet - ǵuryptaryn saqtaı bilýge sózdik qoryn molaıtyp, oı - órisin damytý.
3. Halqymyzdyń salt - dástúrleri arqyly bıazylyqqa, ınabattylyqqa, ana ónegesinen úlgi alýǵa tárbıeleý.
Sabaqtyń ádisi: Túsindirý, suraq - jaýap, áńgimelesý
Kórnekiligi: "Ana" týraly naqyl sózder, sýretter, sózjumbaq

Sabaq barysy:
1. Uıymdastyrý kezeńi
2. Muǵalimniń alǵy sózi:
Ana degenimiz - álemniń jan - dúnıesi, onyń bastaýy men taýsylmaıtyn jalǵasy. Anamyzǵa degen kóńilimiz, meıirimiz ushan - teńiz.
Anamyzdyń kóńili shat, júzi jarqyn, deni saý bolýyn árqashan tileı otyryp 1"B" synyp oqýshylarynyń "Aıaýly meniń - anashym" atty merekelik baǵdarlamasyna qosh keldińizder.
1 - júrgizýshi: Ana bizdiń kúnimiz,
Ananyń biz gúlimiz
Ulanyńdy qýantyp
Uzaq ómir súrińiz.
2 - júrgizýshi: Senderden ósken balalar,
Batyrlar men danalar.
Quttyqtaımyz meırammen
Qurmetti bizdiń analar!

"Ana týraly jyr" hor
1 - oqýshy: Bárimizge anasyń, -
Biz úshin kún bop janasyń.
Qutty bolsyn meıramyń
Quttyqtaımyn anashym!
2 - oqýshy: Dostyqty biz oılaımyz
Birge kúlip oınaımyz.
Qyzdardy da quttyqtap,
Merekesin toılaımyz.
3 - oqýshy Erkeletken óziń anam
Qushaǵyńdy jaıdyń maǵan.
Keshe bizder bala edik,
Ósip qalyppyz endi anam!
4 - oqýshy: Mápeleısiń meni, anam
Qolyńdaǵy qusyńdaı
Qulpyra ósip dem alam
Qushaǵyńda qysylmaı.
5 - oqýshy: Bilip tursyń, jan anam,
Mindeti úlken botańnyń.
Kúteri sol baladan
Ana menen Otannyń!
"Ana bizdiń gúlimiz" hor

1 - júrgizýshi: Adam boıyndaǵy barlyq jaqsy qasıet kúnniń nurynan, ananyń sútinen taralǵan
2 - júrgizýshi: Sondyqtan qurmetti asyl analar, ózderińizge arnaý - óleńderdi qabyl alyńyzdar.
1 - oqýshy: Bizdi ósirip, baptaǵan,
Jaqsy bolsaq, shattanǵan
"Altynym" dep maqtaǵan
Aıaýly meniń aq mamam!
2 - oqýshy: Ár sózińdi jattaǵan,
Júregimde saqtaǵam
Anashym dep maqtanam,
Aıaýly meniń aq mamam!
3 - oqýshy: Maqtanyńdar, analar,-
Qyzdardan batyr, dana bar.
Álem súıgen batyrlar -
Álıa men Mánshúkte!
4 - oqýshy: Ana - kórki kógimniń
Ana - nury jerimniń.
Ana - baǵy balanyń
Maqtanyshy elimniń.
1 - júrgizýshi: Qyzdardy kórsem bir túrli,
Ózimnen - ózim muńdanam.
Toımaıdy kózim júz kórsem,
Jaıqalǵan meniń gúlderim.
2 - júrgizýshi: Myń burala bıleıtin qyzdarymyzdyń "Aıgólek" bıin tamashalańyzdar.
1 - júrgizýshi: Ol saǵan bárinen de qymbat. Sen úshin ol - jaqynyń, dosyń ustazyń. Sondyqtan da sen bir - aq adamdy bilesiń. Ol - ana!
2 - júrgizýshi: Olaı bolsa ana týraly maqal - mátel aıtaıyq.
1. Ananyń súti bal, balanyń tili bal.
2. Ana sútin aqtamaǵandy eshkim maqtamaıdy.
3. Erdiń anasy - eldiń anasy.
4. Aǵaıyn altaý - ana bireý.
5. Ana jaqsylyǵyn aýyrsań bilesiń.
6. Kúnniń shýaǵy jyly, ananyń qushaǵy jyly.
Án "Aınalaıyn aq mamam"

1 - júrgizýshi: Kelesi kezekte analar pikir almasady.
1. Balańyzǵa ákesi tártip sharasyn qoldansa, siz araǵa túsesiz be?
2. Ananyń aq sútin aqtaý degendi qalaı túsindiresiz?
3. "Batamen el kógeredi " degen sóz bar. Bata berýdiń mánisi nede dep oılaısyz?
Bári hormen
Anań - kúniń, júregiń,
Ákeń - ómir tiregiń.
Sen baqytty ulansyń,
Bári saǵan qýansyn.
"Anaǵa sálem" hor

Kelesi kezekte "Ananyń arqasy" atty kórinisti tamashalańyzdar.
Oqýshylar eńbek sabaǵynda jasaǵan syılyqtaryn analaryna tapsyrady.
Ata - ana tárbıelep balapanyn
Áldılep, aıalaǵan alaqanyn.
Bolashaqta baq tilep turasyńdar,
Oılaýmenen aldaǵy bala qamyn - deı otyryp sóz kezegin analarǵa beremiz.
Búgingi "Aıaýly meniń - anashym" atty tárbıe saǵatymyz aıaqtaldy. Kóńil qoıyp tyńdaǵandaryńyzǵa kópten - kóp rahmet. Merekelerińiz qutty bolsyn.

Jambyl oblysy, T. Rysqulov aýdany,
Lýgovoı aýyly, T. Rysqulov atyndaǵy orta mektebiniń
bastaýysh synyp muǵalimi Begasılova Meızkýl Týlenovna