InfoHub Logo

Balalar sender saıahatqa shyqqandy unatasyńdar ma?
Tańerteń balabaqshaǵa kelsem hat taýyp aldym.
Hatta Aısulý ájeı bizdi qonaqqa shaqyrypty.
Baramyzba? (Árıne)
Qanekı, jolǵa shyǵaıyq
Biz – biz - biz kelemiz
Siz siz bizdi kútesiz
Dyq-dyq kelip qaldyq
Balalar mine Aısulý ájeıdiń kıiz úıine de keldik
Ájeı qarsy alady
 Sálemetsińder me balalarym (amandasady)
Balalarym, qane jaıǵasyńdar
Búgin meniń nemerem Asyldy besikke salý
Osy besikke salý salt dástúrin birge kóreıik
 OL úshin senderge oıyn usynǵym keledi
Oıyn: «Retimen ornalastyr» (Molbertte ortada besik sýreti, balalar qajetti sýretterdi japsyrady.)
 «40 - shyǵarý» «Besikke salý» dástúrin ótkizý úshin, qandaı zattar kerek?
- legen, sý, qaıshy, qasyq. maı sham, pyshaq, jastyq, kórpe....
Balalar ústel ústindegi zattardyń keregin alyp besik sýretiniń janyna aparyp japsyrady.
Jaraısyńdar, balalar
Mynaý besik dep atalady. Besikti taza aǵashtan jasaıdy.
Men senderge Asyl bópeni besikke qalaı bóleý kerek ekenin kórseteıin. Sender muqıat qarap otyryńdar. Bárińde osy besikte jatyp, óskensińder.
Áje: Eń aldymen besiktegi balanyń bas jaǵyna jumsaq júnnen jasalǵan jastyq salamyz. Al mynaý bópeniń ústine jamylatyn kórpesi. Mynaý belbeýi, bala qulap qalmas úshin belinen jáne aıaq tusynan osy belbeýmen baılap qoıady.
Besikti bala uıyqtaǵanda shoshyp - qoryqpaý úshin sirińkemen alastaımyn. (besikti alastaıdy)
«Alas - alas, páleden alas,
Iesi keledi, páleden qash!
Alas - alas, páleden alas
Kózi jamannyń kózinen alas
Tili jamannyń tilinen alas,
Otsyz omyrtqasynan alas»
- Balalar, qarańdarshy besiktiń de, tósenishtiń de ortasy oıylyp alyp tastalǵan eken. Sebebi sol jerde túbegi turady.
Al mynaý shúmegi, osy shúmek arqyly balanyń kishi dáreti túbekke quıylyp, balanyń denesi bylǵanbaı taza bolady.
 — Balalar, aıtyńdarshy mynaý qandaı zattar?
— Mynaý taraq, aına.
— Iá, bul aına men taraqty kishkentaı boıjetken qyzymyz «ádemi bolsyn» dep, al mynaý ne?
— Iá, bul pyshaqty bala shoshymas úshin jastyǵynyń astyna salamyz.
— Asyljandy ákel, besigine salaıyq ( Besikke salýdy kórsetedi) Jaraısyńdar, balalar endi kishkene tilimizge jattyǵý jasap alaıyq.
 Artıkýlásıalyq jattyǵýlar
Tilge arnalǵan jattyǵý.
 «Tátti tosap»- tildiń ushymen ústińgi jáne astyńǵy erindi jalaý.
«Sylaqshy»– tiliń ushymen tańdaıdy árli - berli sylaý.
«Tildi tazalaý»- tildiń ushymen ústińgi (ishki jáne syrtqy), astyńǵy tisti (ishki jáne syrtqy) tazalaý.
 Ájeniń áldıi. Ájemiz kishkentaı bóbekti uıyqtatarda «Á... á... á... áldı - áldı aq bópem...» dep ándetedi. Káne, bizde ándeteıik.
— Bópemizdiń uıqysy tátti bolsyn dep « Besik jyryn» aıtaıyq:
Áldı, áldı, aq bópem,
Aq besikke jat bópem.
Jylama bópem, jylama,
Jilik shaǵyp bereıin
Baıqutannyń quıryǵyn,
Jipke taǵyp bereıin
Áldı, áldı bópeshim,
Qozy júni kókeshim
Jurt súımese, súımesin
Ózim súıgen bópeshim.
- Bópemiz uıyqtasyn, besikti terbeteıin, al sender Asyljanǵa arnap tilekterińdi bildirińdershi. Ol óskende qandaı bolsyn? ( Balalar tilekterin bildiredi)