InfoHub Logo

Úsh qurby jigit jolaýshy kele jatyp, bir úıge túsedi. Úı ıesi qonaqtarymen áńgimelesip otyrady. Bir kezde qonaqtardyń bireýi tysqa shyǵyp ketedi. Úı ıesi qalǵan qonaqtarynan:

— Álgi jigit qandaı adam? — dep suraıdy. Qonaqtar:

— Ol ózi bir esek, — depti.

Jigit qaıtyp kelgen soń, úıdegi eki qonaq ta attaryn kórip kelýge tysqa shyǵady. Úı ıesi qalǵan qonaqtan:

— Bular kimder ózderi? — dep surapty. Qonaq:

— Bular bir júrgen ıt, shoshqa, — depti. Keshke as isher kezde úı ıesi qonaqtardyń aldyna bir dorba suly, bir mújilgen súıek, sýǵa aralastyrylǵan bir shylapshyn kebek ákelip qoıady. Qonaqtar ań-tań bolyp ashýlanady.

Úı ıesi:

— Ózderińiz bir-birińizdi esek, ıt, shoshqa dep tanystyrǵannan keıin árqaısyńyzdyń súıgen tamaqtaryńyzdy ázirletip edim, — depti.

---