InfoHub Logo

Babadan qalǵan bar baılyq

Túsinik hat
Elektıvti kýrsynyń «Babadan qalǵan bar baılyq» baǵdarlamasy orta mekteptiń 9 - 11 - klastaryna arnalyp qurylǵan. Bul baǵdarlama oqýshylardyń bilimin tereńdete otyryp, olardyń jan - jaqty damýyna, halqymyzdyń salt - dástúrin saqtaýǵa jáne qurmetteýge baýlıdy.
Mundaı sabaqtardyń ereksheligi: oqýshynyń ózine degen senimdiligin arttyrady, ózin erkin ustaı bilýge baýlıdy, olardy shyǵarmashylyq jumysqa baǵyttaıdy, qyzyǵýshylyǵy men qabiletin arttyrady, jeke tulǵa retinde qalyptasýyna yqpal etedi.
Sabaqtyń qyzyqty, tartymdy ótýi onyń durys uıymdastyrylýyna, josparlanýyna baılanysty. Bul baǵdarlama orys mektepterindegi joǵarǵy synyp (9 - 11 - synyp) oqýshylaryna arnap shyǵarylǵan.
Bolashaq azamattardy jan - jaqty, qabiletti adam etip tárbıeleýde halyqtyń salt - dástúrleriniń tárbıelik, tanymdyq mańyzy zor.
Dástúr urpaqtan - urpaqqa, atadan balaǵa kóshetin tarıhy qalyptasqan áleýmettik normalar men prınsıpter jıyntyǵy. Dástúr mádenıetpen tyǵyz baılanysty bolady. Ata - anany qurmetteý, úlkendi syılaý, adaldyq, ádilettik sezimder barlyq halyqtarǵa tán dástúr retinde qalyptasady.

Elektıvti kýrs jumysynyń maqsaty, mindetteri:
• Qazaq halqynyń ádet - ǵurpy, salt - dástúrlerin jas urpaqqa úıretý;
• Sóz mádenıetin tanytý;
• Pikirtalas mádenıetin jetildirý;
• Oqýshynyń tilin damytý, tildik shyǵarmashylyq qabiletterin jetildirý;
• Ulttyq sana - sezimi mol, rýhanı deńgeıi bıik, ádepti, sanaly adam tárbıeleý;
• Ulttyq tanym sheńberin odan ári keńeıtip, túsinikterin molaıta otyryp, oqýshylardyń ózindik dúnıetanymyn qalyptastyrý.

Bul baǵdarlamanyń mazmuny ǵasyrlar boıy atadan balaǵa berilip kele jatqan salt - dástúrdiń, tárbıelik ádet - ǵuryptyń túrlerinen turady. Alǵan bilimderi test, mánjazba, baıandama, shyǵarma sıaqty tapsyrmalar arqyly tekserilip, baǵalanady.

Elektıvti kýrs baǵdarlamasy boıynsha kútiletin nátıje:

• Ulttyq salt - dástúrdiń túrlerin bilip, ony tolyq túsiný;
• Óz betinshe qosymsha maǵlumattar izdep, ony saralap, eń kerekti degen oı túıinderin jetkizý;
• Pikirtalasta óz oılaryn ortaǵa salyp, oıyn tolyq jetkizý;
• Ómirde maqal - mátel men qanatty sózderdi paıdalana bilý;
• Ana tiline qurmetpen, súıispenshilikpen qaraý;