InfoHub Logo

Balabaqshada balalarǵa arnalǵan taqpaqtar
Sıqyrly svetofor
Keremeti keremet,
Úsh kózi bar alyp bir.
Sıqyr sáýle sebelep,
Túrli túspen janyp tur,
Joldyń qıylysyna
Ornatty ony aparyp.
Janady ol, Tusyna
Barsa kólik taqalyp.
Svetofor bárine,
Baǵyt siltep turady.
Minedi ol kárine,
Jansa qyzyl shyraǵy.
Qybyrlatpaı bir adym,
Kólikterdi toptaıdy.
Jarty mınýt uly aǵyn
Tynystaıdy, toqtaıdy.
Sary kózi janǵanda –
Shoferǵa eń keregi:
«Qozǵalýǵa qamdan da,
Daıyn turǵyn» degeni.
Jasyl kózi janǵanda,
Eń úlkeni tómengi:
«Esh nársege aldanba,
Týra júrgin» degeni.

Oń jaq jasyl janǵanda,
«Ońǵa buryl» degeni.
Sol jaq jasyl janǵanda,
«Solǵa buryl» degeni.
Svetofor tiline,
Baǵynbaýǵa bolmaıdy.
Tas qyp baılap túbine,
Jazalaıdy ondaıdy.
Shofer qaýmy búginde,
Jol tártibin biledi.
Svetofor túbinde,
Erejemen júredi.

Jańbyr
Aspanda bult túıildi,
Jerde oınatty quıyndy
Tabıǵat otpen qol qoıyp,
Aqyryp bultqa buıyrdy
Jý egindi, baqshany!
Kóshedegi bas shańdy
Bult buıryqtan aspady
Jańbyr jaýa bastady.

Kóktem toıyn bastady
Tóndi balqyp kún qyzyp,
Jylý aldy kókten jer
Qardyń astyn sý buzyp,
Esti jyly ókpek jel.
Kúnnen tuńǵysh qyzý ap,
Ileý betin ashqany,
Qumyrsqalar qujynap
Kóktem toıyn bastady

Qaraǵaı
Jaz jasylǵa oranǵan
Qys ta án qosqan daýylǵa
Bir qaraǵaı ormannan
Ákelindi aýylǵa.
Taqtaı etip tildi de,
Jondy usta súrgilep.
Tórimde endi tur mine
Shkaf bolyp syrly kók
Dostarynan baqytty,
Ókilindeı ormannyń.
Qushaǵyna alypty
Kósemderdiń tomdaryn

Toqyldaq
Terezeniń aldynda
Terek jaıdy japyraq,
Saý ma terek, aýrý ma?
Qarap ótti toqyldaq.
Morze álippesindeı
Qulaǵyma ún keldi,
Aǵash ońaı tesilmeı
Shoqyp berdi bir jerdi.
Kórdim de qurt jep jatqanyn
Shoshyr dep jaqyn kelmedim,
Súısinip meniń aıtqanym
Qutty bolsyn eńbegiń!

Torǵaılar
Qys ortasy. Qar qalyń.
Keı kúni boran aqyryp,
Túk kórsetpes, keı kúni
Aqsha qaryn sapyryp.
Júni úrpıgen torǵaılar
Búrisip ún shyǵarmaı,
Qoralarǵa tyǵyldy,
Dalaǵa erkin shyǵa almaı.
Uıyqtap tursaq bir kúni
Boran, jel joq typ - tynyq,
Tamshy aqty, qar erip,
Jadyrap tur kún kúlip.
Ý - shý boldy torǵaılar:
Keldi – dep kóktem taǵy da.
Ushyp - qonyp toptalyp
Shyıqyldasty jabyla.
Turǵandaı - aq qys estip,
Qardy qaıta qatyrdy.
İshin tartyp aq boran
Jatyńdar, dep aqyrdy.
– Bizde joq qoı kalendar,
Dep ekinip, qarasyp,
Júni úrpıgen torǵaılar
Jym - jyrt boldy, tarasyp.

Ara
Tereze aldy qulpyrdy
Qyzyl, sary, kókala,
Sheshek atty gúl túrli,
Úıir boldy kóp ara.
Qyzyǵa qarap turǵanda
Shaǵyp aldy basymnan
Eńbekshini qýam ba
Balyn bizge tasyǵan!
Balabaqshada balalarǵa arnalǵan taqpaqtar. júkteý