InfoHub Logo

Toptamadaǵy sabaqtar tizimi:
1. Oıý-órnek túrlerimen tanysý
2. Syrmaq
3. Tyshqanizben kómkerilgen qorjyn

Bilim salasy: Shyǵarmashylyq
Uıymdastyrylǵan oqý is - áreket túrleri: Baǵdarlama «Oıý - órnek álemi»
Taqyryby: Tyshqanizben kómkerilgen qorjyn
Maqsaty: Balalardytyshqaniz oıýyn úlgi boıynsha oıýǵa daǵdylandyrý, oıýdy paıdalana otyryp, qorjyndy áshekeıleýge úıretý, ásemdikti sezine bilýge tárbıeleý.
Metodıkalyq ádis - tásilderi: Túsindirý, kórsetý, suraq - jaýap, oı tastaý, oıyn oınatý, maqal aıtý.
Kórneki quraldary: Qorjynnyń sýret úlgisi, úlestirmeli qorjyndar sýreti, túrli - tústi qaǵazdar, qaıshy, jelim, tyshqan iz oıýynyń bastyrmasy, kishkene oıynshyq túrleri.

Motıvasıalyq qozǵaýshy:
Balalar, bárimiz bir - birimizben amandasyp, jaqsy tilekter aıtaıyq.
Biz baldyrǵan teń basqan
Dos qushaǵyn keń ashqan
Tileımiz biz beıbit kún
Ashyq bolsyn keń aspan.
Rahmet, balalar tilekterińe, bárimiz aman bolaıyq.

İzdený uıymdastyrýshy:
- Balalar, qazir jyldyń qaı mezgili?
- Qazir, kúz mezgili.
- Kúzdiń neshe aıy bar eken?
- Kúzdiń úsh aıy bar.
- Qazir qaı aıy?
- Qarasha aıy.

- Kúz mezgilin sıpattap bere alasyńdar ma?
- Kún salqyndap, kún bulttanady, jańbyr jıi jaýady, jel soǵady, japyraqtar sarǵaıyp, jerge ushyp túsedi, qustar jyly jaqqa ushyp ketedi.
- Óte jaqsy, balalar.
Al, myna sýretten ne kórip tursyńdar?
- Atqa mingen balany.
Durys - aq.. Taǵy neni baıqadyńdar?
- Balanyń aldynda dorba bar.
Balalar, ol dorba emes, qorjyn dep atalady.
- Qorjynnyń ishinde ne bar dep oılaısyńdar?
- Tamaq nemese kıim.
Durys, alys jolǵa shyqqanda qorjynǵa kıim - keshek, as - aýqat salý yńǵaıly.
Búgin bizder qorjyndy tyshqan iz oıýymen áshekeılep úırenemiz.(Tárbıeshi jasalý joldaryn kórsetedi).
Tyshqan iz oıýy qandaı geometrıalyq pishinge uqsaıdy eken?
- Tizbektelgen úshburyshqa.
«Kóz qorqaq qol batyr» degendeı, endi ózderiń jasap kórińder. Bárińniń de qoldaryńnan keledi. Balalar, berilgen bastyrma boıynsha tyshqan iz oıýyn bastyryp, qaıshymen qıyp alyp qorjynǵa japsyrady.
Sharshasańdar sergip alaıyq.

Sergitý sáti:
Ornymyzdan turaıyq
Úı shatyryn quraıyq
Uqsaı ma eken oıýǵa
Dosymyzdan suraıyq.

Oıyn: «Sıqyrly qorjyn»
Qorjynnyń ishine úı qustarynyń, tórt túliktiń kishkentaı oıynshyqtary salynǵan.
Balalar, oıyn sharty boıynsha bireýin alyp, soǵan sıpattama berýi kerek.
Jylqy - úı janýaryna jatady, onyń súti, eti paıdaly. Jylqy kisineıdi.
Taýyq - úı qusy, onyń jumyrtqasyn, etin paıdalanamyz.

Refleksıvti korreksıalaýshy:
Balalar, qorjyndarymyzdy kórme sóresine ornalastyraıyq.
Balalar óz eńbekterin ornalastyrady, jáne ishinen eń ádemisin tańdaıdy
- Qorjyndy kórkemdeý qıyn bolǵan joq pa?
- Joq, qıyn emes.
- Qandaı oıýmen kómkerdińder?
- Tyshqan iz oıýymen.
Óte jaqsy balalar.
- Qandaı maqaldy eske túsirdińder?
«Kóz qorqaq qol batyr»
- Maǵynasyn túsindińder me?
- Iá, kózińmen kórip qoryqsań da, qolyńmen istep kórsete alasyń.
- Durys aıtasyńdar.
Osymen sabaǵymyz aıaqtaldy, sizderge kóp - kóp rahmet!