InfoHub Logo

Balalarǵa arnalǵan jańa jyl keshi (Senarı)
(Balalar zalǵa kiredi)

(Úıshikte kempir men nemere qyzymen otyrady, mýzyka qosylyp, saǵat 12 - ni soǵady)
Kempir: E, taǵy bir jańa jyl keldi. Bıylǵy keletin jyl dońyz jyly emes pe? Laıym, jaqsylyq kóp bolǵaı!
Nemere: Áje! Men sizdiń qyzyq ertegińizdi tyńdaǵym keledi Maǵan ertegi aıtyp berińizshi.
Áje: Olaı bolsa, men saǵan Aladdınniń sıqyrly shamy týraly ertegini aıtyp bereıin. Erte, erte, ertede shyǵys elinde Aladdın degen jigit bolypty. Onyń sıqyrly shamy jáne ushatyn kilemi bolypty. Ol onymen ushyp júrip búkil álemdi aralaıdy eken. Bir kúni ol sen sekildi bóbekterdiń baqshasyna tap bolypty.
Nemere: Áje, ertegińiz qyzyq eken, sosyn ne bolypty?
Áje: Sodan keıin ne bolǵanyn káne myna qonaqtarmen birge tamashalaıyq.
«Vostok» bıi (Mýzykamen Aladdın kiredi)
Aladdın: Sálemetsinderme, balalar! Jańa jyl qutty bolsyn!
Júr: Aladdın! Óziń munda neǵyp júrsiń?
Aladdın: Men bárin jańa jylmen quttyqtaý úshin el aralap júrmin.
Senderdi de jańa jylmen quttyqtap keldim.

Júr: Olaı bolsa qonaq bolyp, myna balalardyń jańa jyldyq taqpaqtaryn tyńda.
Balalar taqpaq aıtady
Júr: Aladdın, bizdiń balalar shetinen ónerli. Qalasań merekemizdiń sońyna deıin qalyp balalardyń ónerin tamashala. Jańa jylymyz da jaqyndap keledi.
Aladdın: Rahmet, men keteıin. Senderdi jańa jyldaryńmen quttyqtap, senderge ózimniń sıqyrly qumyramdy syıǵa tartamyn qabyl alyńdar Al men endi elime qaıtaıyn, saý bolyńdar (Aladdın ketedi)
Júr: Al endi merekemizdi ary qaraı jalǵastyraıyq
Júr: Balalar, myna qumyranyń sıqyrly syry nede boldy eken á! (aýzyn ashady) (Djın kúlkisi estiledi)
Júr: Oı, bul kim? ( qumyrany qoıa salady, ishinen djın shyǵady)
Djın: Ha – ha! Men bul qumyrada 300 jyl ómir súrdim. Sender maǵan bostandyq syıladyndar, sondyqtan senderdiń 3 tilekterińdi oryndaımyn. Meniń qolymnan kelmeıtin nárse joq. Káne aıtyndar, qandaı tilekteriń bar?

1b: Bizdiń shyrshamyzdyń shamy janbaı tur, sony jaǵyp ber.

Djın: Jaraıdy, sol da sóz bop pa? Qazir - aq jaǵyp beremin

1, 2, 3, Shyrsha shamy jana tús!
(shyrsha janady - balalar shapalaqtaıdy)
Júr: Minekı, shyrshamyzdyń shamy jandy. Olaı bolsa, shyrshamyzǵa arnap ásem án shyrqaıyq.
Án «Baqshamyzdyń tórine»
Djın: Al ekinshi tilekteriń qandaı?
2b: Biz shet elderdi aralaǵymyz keledi
Djın: Onda men senderdi Ispan eline aparaıyn, káne kózderińdi jumyńdar
(Mýzyka oınaıdy)
Djın: Minekı balalar, Ispan eline de keldik, olar da jańa jyldy toılap jatqan sekildi, qarańdarshy, bári kóńildi, bı bılep júr.
Bı « Ispan»
Djın: Endi men senderdi Anglıaǵa aparaıyn, káne kózderińdi jumyńdar(Mýzyka oınaıdy) Minekı Anglıaǵa keldik
Balalar aǵylshynsha án aıtady
Júr: Djın! Ispanıa da, Anglıa da ádemi jer eken. Biraq bizdiń elimiz odan da keremet. Bizdi óz elimizge, óz balabaqshamyzǵa aparshy.

Djın: Jaraıdy, kettik onda Qazaqstanǵa!

Júr: Djın! Balabaqshaǵa jetkenshe balalardyń taqpaqtaryn tyńdap baraıyq
Balalar taqpaq aıtady.
Djın: Minekı balalar, kóńildi júrip balabaqshaǵa da keldik. Al endi sońǵy úshinshi tilekterińdi aıtyńdar
3b: Biz Aıaz atany kórgimiz keledi.
Júr: Iá, Djın! Bizdiń balalar, Aıaz atany asyǵa kútip otyr. Myna Aıaz atany sıqyrlap ortaǵa keltirshi. ( shyrshadan oıynshyq aıaz atany beredi)
Djın: (sıqyrlap sál úlkenirek aıaz atanyń oıynshyǵyn shyǵarady)
Balalar: Joq, Aıaz ata budan da úlken!
Djın: (taǵy da sıqyrlap odan da úlkenin shyǵarady)
Balalar: Joq, Aıaz ata – oıynshyq emes, ol tiri adam!
Djın: Olaı bolsa, bul Aıaz atany tońazytqyshqa sap qoıaıyq. Sebebi, ol sýyqty, muzdy jaqsy kóredi. Sýyqta turyp ósip, úlkeıedi.
(Oıynshyqty tońazytqyshqa salady)
Júr: Djın! Aıaz atamyz úlkeıgenshe aıaz ata týraly án shyrqaıyq.
Án «Aıaz ata»
Júr: Balalar, aıaz atamyz úlkeıip pe, men qaraıyn. (qaraıdy) Joq, aıaz atamyz áli kishirek eken, endeshe, atamyzdy ádemi bımen tosaıyq.

Bı
Djın: Men tońazytqyshty ashaıyn. Al sender balalar Aıaz atany shaqyryńdar.
Balalar: Aıaz ata!
(Atany aıǵaılap shaqyrady, tońazytqyshtan Aıaz ata shyǵady)
Djın: Minekı balalar men senderdiń úsh tilekterińdi de oryndadym, al endi men keteıin, saý bolyńdar, jańa jyldy jaqsy toılańdar! (Djın ketedi)
Aıaz ata: Amansyńdar ma balǵyn bóbekterim! Men senderge asyǵa keldim, ózderińniń maǵan arnaǵan ónerleriń bar ekenin de bilemin.
Júr: Hosh keldińiz aıaz ata! Biz sizdi qýana tosyp otyrmyz, bizdiń balalarǵa ákelgen syılyqtaryńyz da bar shyǵar?
Aıaz ata: Syılyq demekshi, men syılyqtardy umytyp ketpeıin dep Aqshaqarǵa tabystap edim, ol áli kelmegen be?
Júr: Joq, kelgen joq.
Júr: Endi ne istedik? Balalar syılyqtan qur qalatyn boldy ma?

Aıaz ata: Sender nege muńaıasyńdar. Saspańdar, meniń taıaǵym sıqyrly ǵoı, qazir sıqyrly sóz aıtyp, Aqshaqardy osynda keltiremin!
Kelshi, kelshi Qarsha qyz
Kútemiz seni barshamyz!
(Mýzykamen Aqshaqar syılyqty alyp kiredi)
Aqshaqar: Sálemetsinder me, balalar! Aıaz ata, keshirińiz men adasyp ketippin. Meni bir sıqyrly kúsh jetelep, osynda ákeldi.

Júr: Balalar, Minekı Aıaz ata da, Aqshaqar da osynda. Endeshe olarǵa taqpaqtarymyzdy aıtyp bereıik.
Balalar taqpaq aıtady
Júr: Aıaz ata, aqshaqar sizderdi kórip kóńilimiz kóterildi. Tamasha kóńil kúımen sizdermen qyzyqty oıyn oınaǵymyz kelip tur.

Oıyn
Aıaz ata: Sender syılyq alǵylaryń kele me? Olaı bolsa aldymen maǵan ónerlerińdi kórsetińder.
Júr: Aıaz ata! Balalar ózińizben qosylyp, án aıtyp bersin

Án «Shyrsha jyry»
Júr: Ata! Bizdiń aramyzda siz sekildi kishkentaı santa klaýstar bar. Solar bı bılep bersin.

Bı «Santa»
(Aıaz ata syılyqtardy taratady)
Ájeı: Minekı, qulynym Aladdıniń sıqyrly shamy týraly ertegi osyndaı. Al Aladdın men Djınniń qatysýymen bolǵan balabaqshadaǵy Jańa jyl merekesi osylaı aıaqtalypty.