InfoHub Logo

Taqyryby: Balalyq tentektik
Maqsaty: Oqýshylardy jaqsydan úırenýge, jamannan jırenýge tárbıeleý, quqyqtyq saýatyn arttyrý, rýhy bıik, deni saý tulǵa retinde damytý.
Kórnekiligi: Abaı men Ybyraı portreti, synyp ishindegi oqýshy sýretteri, jeke bas tazalyǵy úshin qajetti zattar sýretteri, úntaspa.

Júrisi:
Bastaýshy:
- Qurmetti ustazdar, oqýshylar! Búgingi 1a synybynyń «Balalyq tentektik»atty ashyq synyp saǵatyna qosh keldińizder. Synyp oqýshylarynyń daıyndaǵan tárbıe saǵatyn ashyq dep jarıalaımyn
Balalar oqýǵa bar! Jatpa qarap,
Jýynyp, kıinińder shapshańyraq!
Shaqyrdy taýyq mana áldeqashan
Qarap tur terezeden kún jaltyrap.

Balalar, bul jol basy danalyqqa,
Kelińder, túsip, baıqap, qaralyq ta.
Bul jolmen bara jatqan ózińdeı kóp,
Solardy kóre tura qalalyq pa?!
Danalyq - óshpes jaryq, ketpes baılyq,
Júrińder, izdep taýyp alalyq ta!- dep aqyndarymyz jyrlaǵandaı, osydan bir aı buryn 1 qyrkúıek kúni mektepke alǵash kelgen bolatynbyz. Endi mine, bar kitapqa bas bolǵan Álippemen tanysyp, onan kóp nárseni úırenýdemiz.
Mektep, mektep
Tóńirektep
Júrýshi edim men keshe.
Suraýshy edim,
Jylaýshy edim,
Ápkem kitap bermese.

Mine men de
Úlken boldym
Jasym toldy altyǵa
Kitaptaǵy ertekterdi
Endi oqımyn shetinen

Mektebim - aıtar ánim,
San ret qaıtaladym
Ózińnen alǵanymdy
Ózińe qaıtaramyn

Zerdeli: Sálemetsizder me, balalar?! Men de búgin osy synypta ótiletin sharany estip, arnaıy keldim. Ózimmen birge Ádeptilik álippesin ala keldim.

Ádeptilik álippesi.
- Jemiske quty tola ma?
Bir – birlep, terip almasań,
Áp - sátte shyǵa qoıa ma?
Ekken dániń oılasań
Ádep te solaı qaraǵym
Birtindep sińer boıyńa.
Kólge aınalǵan bulaqtyń,
Qaınar kózin kórip pe eń?
Ádeptilik álemniń
Basy bolar Álippeń.

Bastaýshy: - Balalar, ózderiń kórip otyrǵandaı bizge búgin qonaqqa Zerdeli men Ádeptilik álippesi kelip otyr eken. Endeshe, osy qonaqtarǵa ózimizdiń qandaı ádepti, tártipti ekenimizdi kórseteıik.
Osy kezde ishke Jalqaýbek kiredi.