InfoHub Logo

Taqyryby: Balanyń bas ustazy ata - ana.
Túri: trenıń
Maqsaty: Aldymyzda otyrǵan oqýshynyń ata - anasymen jaqyn tanysý.
Ata - ananyń otbasyndaǵy rólin anyqtaý, óz balalarynyń bolashaǵy týraly pikirlerin tyńdaý. Ata - ananyń mekteppen baılanysyn nyǵaıtý. Muǵalimmen durys til tabysa bilý erekshelikterin bilý, oılaryn ashyq aıtýǵa baýlý.
Kórnekiligi: sýretter, tirek shemalar, slaıdtar, kesteler, t. b.

İ. Uıymdastyrý kezeńi.
Oqýshylar men ata - analardyń nazaryn trenıńke aýdarý.

İİ. Negizgi kezeń.
Muǵalim túsindirmesi:
Ata - anamen jańasha jumys túrleri.
Jas urpaqty jan - jaqty jetilgen, aqyl - parasatty, oı - órisi bıik azamat etip tárbıeleý - qoǵamymyzdyń eń ózekti máselesi. Bala tárbıesiniń alǵashqy altyn qazyǵy - januıasy. Januıalyq tárbıe ata - ana men bala arasyndaǵy qarym - qatynastyq júıe. Olaı bolsa, ata - ana osy júıeni ǵylym men óner retinde jan - jaqty meńgerý qajet.
Bala – keń álemdegi eń pák, eń taza asyl jan. Onyń oıynyń tazalyǵy, arynyń tazalyǵy ony qorshaǵan ortaǵa baılanysty bolmaq. Bala osy ortany qalaı qabyldap, tanyp bilse, onyń aldynan keń álemniń esigi de solaı ashylmaq.
Árıne, kez - kelgen ata - ana ózi týraly da, balasy týraly da joǵary pikirde bolady. Sondyqtan bul jumystar bastapqy kezde túsinik - tanymyn keńeıtý retinde júrgizilgenimen keıinnen tereńdeı bastaıdy.
Sonymen qatar, jańa úlgide ótkizilgen ata - analar jınalysynyń da mańyzy aıtarlyqtaı. «Balanyń bas ustazy ata - ana» atty ata - analar jınalystaryn ótkizý jospary tómendegideı úlgide uıymdastyryldy.

Júrisi:
Trenıń erejesi:
1. Tyńdaı bilý.
2. Sózdi bólmeý.
3. Belsendilik.
4. Shyǵarmashylyq.
5. Tózimdilik.
6. Syılastyq.
7. Túsinistik qarym - qatynas.
İ. Topqa bóliný. (2 topqa).
İİ. «Asosıasıa» jazý.
Ár toptyń bir múshesi qorǵaıdy.
İİİ. Pedagogıkalyq oıyn.

Maqtaý
(2 mınýt ýaqytta kesteni toltyrý, ishteı sheshimge kelý. Kesteniń qaı jaǵyndaǵy sózder kóp? Oılaný).

İÚ. Pedagogıkalyq oıyn.
Sizdiń balańyz sizdi qatty qýantty (bir isimen) siz ne aıtasyz? Qalaı qoldaısyz?
(Balaǵa madaqtaý sózderin aıtyp, márege birinshi jetý).
(Tamasha! Tipti ertegideı ǵoı! Sensiz men ne ister edim? Óte jaqsy! Maqtanyshym meniń! Men de osyndaı nátıje kútip edim! Qandaı qýanyshty!)

Ú. Pedagogıkalyq sıtýasıalardan shyǵý.
(ár top músheleri óz sheshimin qorǵaıdy).

Úİ. Sóılemdi aıaqtaý.
İ top.
1. Eger balany únemi synap otyrsa...(oqýǵa qulqy bolmaıdy).
2. Balaǵa únemi kúlse...(buıyǵy bolyp ósedi).
3. Balany qoldap otyrsa...(óz qadiri úshin oqıdy).

İİ top.
1. Balany qoldap otyrsa...(ol óz baǵasy úshin oqıdy).
2. Bala tózimdilikte ósse...(adal bolyp jetiledi).
3. Bala qaýipsiz jaǵdaıda ósse...(ol adamǵa senimmen qaraıdy).

İİİ top.
1. Bala kekshildikte ósse...(ol qatygez bolyp ósedi).
2. Bala adaldyqta ósse...(adal bolyp jetiledi).
3. Bala túsinistikte jáne súıispenshilikte ósse...(bul álemnen mahabbat tabýǵa úıretedi).

Úİİ. «Siz qandaı ata - anasyz?».
(óz - ózderin test arqyly tekserý).

Úİİİ. Marjan sózder saıysy.
(Bala tárbıesi týraly maqal - mátel, naqyl, sheshendik sózder aıtý.
Ár toptan óz pikirin qorǵaý)

İİİ. Qorytyndy.
Ata - analardyń óz balalarynyń jan - dúnıesin jaqsy túsinýi, olarǵa otbasynda durys ta tıimdi tárbıelik orta týdyrady.
Bala tárbıesine qatysty bilimi jáne bilikterin udaıy kóterip otyrýy qajettiligi artady.