InfoHub Logo

Uıymdastyrylǵan oqý qyzmetiniń konspekttisi
Bilim berý salasy: Komýnıkasıa
Bólim: Sóıleýdi damytý
Taqyryby: Bárimizge ortaq – JEŃİS!
Maqsaty: Balalarǵa Jeńis kúni merekesi týraly maǵlumat berý.
1. Bilimdilik: Balalardy Otanyn súıýge, eliniń, jeriniń adal patrıottary, dostyq pen birlik týraly túsinik berý.
2. Damytýshylyq: Bala boıyndaǵy patrıottyq sezimderin oıata otyryp, er úrdisiniń áreketterin nátıjeli oryndaý iskerligin damytý.
3. Tárbıelik:. Balalardy adamgershilikke, Otanyn qorǵaýǵa baýlý. Otanǵa degen súıispenshiligin arttyrý, olarǵa patrıottyq tárbıe berý.
Kórnekilik: Jeńis kúnine arnalǵan sýretter.

Motıvasıalyq - qozǵaýshylyq
Shattyq sheńberi:
Amansyń ba, altyn Kún?
Amansyń ba, kók aspan?
Amansyń ba, dostarym?
Senderdi kórsem qýanam.

Uıymdastyrýshylyq
izdestirý Áńgime: Balalar búgingi uıymdastyrylǵan oqý qyzmeti
«Uly Jeńis» dep atalady.
Jeńis kúni – adamzat ańsap ótken kún, jeńistiń týyn
tikken 1945 jylǵy 9 mamyr azattyq kúrestiń aıbyndy
kúni.
Bıyl Uly Jeńiske 73 jyl tolyp otyr. Móldir aspandy bult qaptady. 1941 jyly 22 maýsymda fashısik Germanıa Keńes Odaǵyna opasyzdyqpen shabýyl
jasady. Halyq úshin bul aýyr kezeń boldy. Uly Jeńis kúni eli men jeri úshin janyn, pıda etken, týǵan - týysqandaryna, jaqyndaryna, týǵan jerine oralmaı qalǵan qaharman erlerdi búkil eli bolyp eske túsiredi.
Eshqashanda jaýynger erligi men jeńisti eńbegimen
soqqan eńbekshiniń eren erlikteri umytylmaıdy
Bul jyldary júregi Otanym dep soqqan ár azamat barynsha kúrese bildi. Soǵys bitti... Aýyr da azapty jyldar artta qaldy, bizdiń elimiz beıbitshilikti súıedi.
Balalar men senderge T. Jarokovtyń óleńin oqyp
bereıin.
Súıinshi, halqym, súıinshi!
Súıinshige súıinshi!
Shattan ata - anamyz,
Shattan; aǵa - babamyz.
Kek qaıtaryp fashısen,
Soǵys bitti jeńispen,
Jeńdik jaýdy kúreste
Jasalsyn toı mereke.

Sergitý sáti:
Bala, bala, balaqan!
Qane, qaısy, alaqan?
Saýsaqtaryń áıbat,
Bylaı - bylaı oınat.
Top - top basaıyq,
Jalaýdan kún jasaıyq!
Jasa, jasa altyn kún,
Jasa, jasa jarqyn kún!
Balalar endi ádemi oryndarymyzǵa otyraıyq.
Káne kim jeńis merekesi týraly taqpaq biledi eken?

Baqytty bop júrgenim,
Seniń arqan, Uly Otan.
Elim meniń - tiregim,
Qushaǵyndy gúl atam.
(İńkár)

Jeńis keldi án bolyp,
Keldi aýylǵa sán, kórik
Jeńis keldi, alaqaı,
Toıa jeıtin nan bolyp!
(Estaı)

Jeńis keldi qalama,
Jeńis keldi dalama!
Jeńis keldi áke bop,
Eldigi bar balaǵa.
(Nurjan)

Ot jalyndaı qaıraty.
Súısinińder qarańdar
Beıbit ómir saldaty
Meniń tankıst aǵam bar.
(Káýsar)

Jaraısyńdar balalar! Endi oıyn oınaıyq
Oıyn: «Jalaýsha»
Sharty: Balalardy eki topqa bólip, aldyńǵy eki balanyń qolyna jalaýsha beriledi. Mýzyka yrǵaǵymen balalar jalaýshany qoldan - qolǵa bere bastaıdy. Qaı top jalaýshany jyldam jyljytyp, oıyndy tez aıaqtasa – sol top jeńimpaz atalady.
Balalar endi
«Árqashan kún sónbesin»óleńin aıtaıyq.
Bárimizge ortaq – Jeńis! júkteý