Ómir-aı, deımin,
Ómir-aı, deımin keıde men,
Kúnder de ótti, oınaıtyn qysta jeıdemen.
Kezder de ketti bireýler maǵan «Eı!» degen,
Kezder de jetti bireýler siz dep sóılegen.
Birin de qoıshy...qozy-tús ótti aıaýly,
Tal tús te ketti, besin de mine taıandy.
Myna jalǵanda ne qalar deısiń baıandy,
Kezekpe-kezek bári de jyljyp, taıar-dy.
Muny da qoıshy.
Mahabbat shirkin sýytty-aý!
Men-daǵy ony,ol-daǵy meni umytty-aý!
Ańsaǵan júrek aldasa-daǵy qanshama,
Mahabbattan da, aspannyń Aıy jýyqtaý.
Bárin de qoıshy...
Bári de óter toqtaýsyz,
Ómir me ómir?
Ónbeı de óspeı, joq-barsyz?
Kezegim kelip,ketkende kelmes saparǵa,
Habarsyz, izsiz qalmasam eken joqtaýsyz...

---