InfoHub Logo

Ózin - ózi taný 4 synyp
Taqyryby: Batyldyq pen ójettik
Maqsaty:
oqýshylardyń «halyq», «Otan», «mahabbat» qundylyqtardy týraly túsinikterin keńeıtý;
Mindetteri:
- batyldyq, ójettik uǵymdary týraly túsinik berý;
- sheshim qabyldaı bilý iskerlikterin damytý;
- batyldyqqa, ójettikke, otansúıgishtikke tárbıeleý.
Kórneki quraldar: oqýlyq, úntaspa
Shattyq sheńberi
Balalar muǵalimmen birge shattyq sheńberin quryp turady.
Kóńildi án shyrqaıdy.

Baldyrǵandar áni
sózin jazǵan O. Áýbákirov
Ánin jazǵan Sh. Qaldaıaqov
Qýanyshqa bólengen ár kúnimiz,
Baqyttymyz, balalar, barlyǵymyz.
qaıyrmasy:
Ómir tym jaıdary,
Qyzyqtyń qaınary,
Baqshamyz jaınady.

Biz - Otannyń baldyrǵan uldarymyz,
Ádeptilik, batyldyq - uranymyz.
qaıyrmasy
Mátinmen jumys
Sabaq taqyrybynyń mánin túsindirý maqsatynda áńgimeleý júrgizý.
Balalardyń ózdigimen mátindi túsinip oqyp shyǵyp, pikirlerin tyńdaý.
«Qoıshy Qaharman» ertegisi.
Balalardyń pikirin bilý maqsatynda suraqtar qoıý:
* Qaharman batyrdyń erjúrek batyrlyǵyn qandaı is - áreketinen baıqadyńdar?
* Qaharman batyrdyń taǵy qandaı jaqsy qasıetteri týraly aıta alasyńdar?
* Ózderińniń boılaryńda batyldyq bar dep oılaısyńdar ma? Nelikten?
* Batyldyq, ójettik kórsetken kezderiń boldy ma?
* batyl bolý úshin ne isteý kerek dep oılaısyńdar?

Dáıeksóz
Balalardyń jaýaptary dáıeksózdiń túsindirilýimen jáne jattyǵý jumysynyń oryndalýymen túıindeledi.
- Boıynda batyldyǵy bar adam batyr bola alady. Al batyl bolý úshin ójet, tózimdi, shydamdy, sabyrly, ata - anasyn, elin, jerin súıetin, qorqýdy bilmeıtin adam bolý kerek. Ondaı adam batyr bola alady. Sondyqtan da halyq «Batyl bolmaı, batyr bolmaıdy» dep tegin aıtpaǵan.

Jańa aqparat «Jaqsy sóz adamdardy qýanyshqa bóleıdi. Olardyń qarym - qatynasyn jaqsartýǵa yqpal etedi. Adamdar bir - birimen jaqsy sóılesý arqyly syılastyqqa, dostyqqa qol jetkizedi.»

Jattyǵý
Oqýshylarǵa tarıhtaǵy batyrlardy eske túsirý usynyldy. Olardyń boıyndaǵy qasıetterdi eske túsire otyryp, batyldyq uǵymyna toptastyrý jasaıdy.
Kútiletin jaýaptar: ójet adam, qoryqpaıtyn, tózimdi, sabyrly, densaýlyǵy myqty, shynyqqan, Otanyn súıetin, qaısar jáne t. b.

Sergitý sáti
Adam boıyna batyldyqtyń qalyptasýyna jáne jattyǵýlarynyń da áseri bar ekendigi eske túsirilip, balalardyń denesi sergitiledi jáne oıyn uıymdastyrylady.
Shynyǵamyz jastaı biz, (Oryndarynan turady)
Jattyǵýdy bastaımyz. (Qoldaryn búıirlerine qoıady)
Bir, eki, úsh, (qoldaryn alǵa, joǵary, janyna sozady)
Bir, eki, úsh, (qoldaryn alǵa, joǵary, janyna sozady)
Boıǵa jınap kúsh. (Qoldaryn ishke búgedi)

Oıyn
Balalar jarty sheńber quryp turady. Ortaǵa uzyndyǵy 2 - 3 metr bolatyn túzý syzyq syzylady. Meje belgilenedi. Ortaǵa bir oıynshydan shyǵady. Oıynshyny oıyn basqarýshy ornynda turyp aınaldyrady. Birneshe ret aınalǵannan keıin syzylǵan syzyqtyń boıymen eki qolyn jaıyp túp - túzý júrý kerek. Kim mejege syzyqtyń boıynan aýytqymaı túzý júrip jetse, sol batyl, jeńimpaz atanady. Jeńimpazdardy marapattaıdy, qol shapalaqtap qoshemetteý.
Tapsyrma
«Ómirde erlikke oryn jetedi» taqyrybynda áńgimeleý.
Dáptermen jumys
Oqýshylardyń sabaqta alǵan bilimderi pysyqtalady.
1 - tapsyrma.
Dápterde berilgen sózjumbaqty sheshý.
2 - tapsyrma: Halqymyzdyń batyr, ójet azamattarynyń biri týraly shaǵyn áńgime jazý.
Qorytyndylaý
- Batyldyq - adam boıyndaǵy jaqsy qasıetterdiń biri. Adam batyl bolý úshin bala kúninen denesin shynyqtyryp, salaýatty ómir súrý kerek. Halyq batyrlarynyń ómirin maqtanysh, úlgi tuta bileıik.
Júrekten júrekke
Balalar bir – birine jyly lebizderin bildiredi:
- Bir - birimizdi qıyn sátterde qoldaı bileıik.
- Denimiz saý bolsyn.
- Boıymyzǵa batyldyqty, batyrlyqty daryta bileıik jáne t. b.
Óleń oqytý

Batyr ata
Ó. Turmanjanov
«Batyr!» degen barsha súıgen jaqsy sóz,
Altyn týy sıaqty ol ǵasyrdyń.
Batyr ata: « Batyr bol!»- dep urandar!
Estińder jas jetkinshek qyrandar!
Batyr bolyp, týǵan jerdi qorǵaýdy -
«Shyn baqyt!»- dep tilek etip surańdar.