InfoHub Logo

Bilim berý salasy: Tanym
Uıymdastyrylǵan oqý qyzmeti: Jaratylystaný
Taqyryby: Baýyrymen jorǵalaýshylar
Maqsaty: Baýyrymen jorǵalaýshylar degenimiz ne ekenin túsindirý. Oǵan qandaı janýarlar jatatyn (kesirtke, tasbaqa jáne t. b.) jaıly túsinik berý.
Kórnekilik quraldary: Sýretter

Motıvasıalyq qozǵaýshy
Bala, bala, balamyz,
Baqshamyzǵa baramyz.
Kúni boıy qyzyqqa,
Batamyzda qalamyz.

Uıymdastyrý - izdenýshi
Balalarǵa kesirtke men tasbaqanyń sýretin kórsetedi. Balalar sender bul janýarlardy tanısyńdar ma?
Bul eki janýar da qalaı júredi?
Baýyrymen jorǵalaıdy.
Demek mundaı janýarlardy baýyrymen jorǵalaýshylar dep ataımyz.
Kesirtkeniń sýretin kórsetip maǵlumat beredi. Kesirtkelerdiń kóptegen túri jerde júredi, aǵashqa, butaǵa órmeleı alady, qumǵa batyp ketetin de túrleri bar. Kesirtkelerdiń arasynda kúndiz de, túnde de aýlaıtyn túrleri bar. Túrli jándikter men olardyń dernásilderimen, órmekshiler, qurttarmen qustar jáne olardyń jumyrtqalarymen, baqa, jylandarmen, azdaǵan túri ósimdiktiń jumsaq bólikterimen, jemisimen jáne tuqymymen qorektenedi. Tasbaqanyń sýretin kórsetip, maǵlumat beredi. Tasbaqalardyń ereksheligi denesi súıekti - múıizdi ne súıekti - terili saýytpen qaptalǵan. Súıekti saýyty qaýip - tóngen kezde basy men aıaqtaryn jınap jasyrynýǵa yńǵaıly.
Qazaqstanda tushshy sý tasbaqalary jáne qurlyq tasbaqalary bar. Olar ártúrli shóptermen qorektenedi.(Múmkindik bolsa tiri tasbaqany kórsetip tanystyrýǵa bolady).

Sergitý sáti:
Joldaryńa úńilip,
Eki baqa júgirip,
Sekiredi, baq - baq,
Aǵashtardy attap.
Olar erte turady,
Beti qolyn jaýady.
Ońǵa - solǵa shaıqalyp,
Baqylaıdy án salyp.
Sýdan shirkeı tabady,
Ósip úlken bolady.
Baq - baq, naq - naq,
Bizder aıttyq tappaq.

Jaraısyńdar balalar!
Al endi oıyn oınaıyq

Dıdaktıkalyq oıyn: Kimniń azyǵy?
Baýyrymen jorǵalaýshylar. júkteý