InfoHub Logo

Bir kúni Qoja bazarǵa barsa, bireý bir jaı qylyshty úsh myń teńgege saýdalap otyrsa kerek. Qoja qylyshty qolyna alyp, ary qarap, beri qarap, ıesi nege úsh myń teńge surap otyrǵanyn esh túsine almaıdy. Aqyry mańaıyndaǵy adamdardan:

— Bu netken qylysh? — dep surastyrady. Olar bul qylysh- tyń jaýǵa siltegende, bes kez uzaryp ketetinin aıtady.

Kelesi kúni Qoja óziniń úıindegi shymshýyryn bazarǵa aparyp:

— Shymshýyrym úsh myń teńge turady, — dep jar salady.

Jurt kelip shymshýyrdy qolyna ustap, aýdaryp, tóńkerip qarap, pálendeı qasıetin tappaǵan soń, Qojanyń ózinen suraıdy.

— Qoja, salǵan jerden úsh myń suraǵandaı, shymshýyryńnyń ne qasıeti bar?

Sonda Qoja:

— Kúni keshe jaýǵa siltegende, bes kez uzaryp ketetin qaıqy qylyshty úsh myń teńgege saýdalaǵanyn ózderiń kórdińder. Al meniń báıbishem ashýlanyp, maǵan ala umtylǵanda, bul shymshýyr on kez uzaryp ketedi, — depti.

---