Baılaryńdy shaqqansha, badam alyp shaǵyńdar
Bir kúni Qoja men áıeli bolmashy nársege urysyp qalady. Janjal basy — palaý bolsa kerek. Áıeli palaý bassa, túbi kúıip ketipti. Qoja murnyn tyrjıtyp, aldyna kelgen tamaqty ıiskeıdi. Báıbishesi buǵan kúıip-pisip, ashýlanyp, ekeýi otasqan otyz jyl ishindegi Qojanyń jaza basqan júrisin, qatelikterin jipke tize bastaıdy. Ne kerek, sodan úsh saǵattaı sóıleıdi.
Tamaǵy qurǵap qyrqyldap qalǵan ol Qojadan:
— Sen qalaı shydap, ún shyǵarmaı tyńdap otyrsyń? — dep suraıdy.
Sonda Qoja jaı, baısaldy túrde:
— Men seniń baryldaǵan sózińdi tyńdaǵan da joqpyn. Men álgi bazarda badam satýshylar ne dep jar salsa, jarasar edi dep sony oılap otyrmyn. Qatyn, sen qalaı qaraısyń, badam satýshylar: «O, qatyndar, qatyndar, baılaryńdy shaqqansha, badam alyp shaǵyńdar!» dep aıǵaılasa, qatyp ketpes pe edi? — depti.
You Might Also Like
-
Qoja kópshilik bas qosqan jerde, májilis pen toıda kóp sóıleıtin sózýar kisi bolsa kerek. Áıeli jaryqtyq:
-
Qarttar qystaǵyna kelgen jolaýshy kóshede jylap otyrǵan bir qarıany kóredi. Jolaýshy onyń aldyna baryp:
