InfoHub Logo

OPD EQQİQB tarapynan jarıalanǵan saıysyna
Ákimbaevtarotbasy
Qyzylorda oblysy, Qarmaqshy aýdany, Baıqońyr qalasy

Berik otbasy-esirtkiden alys!
Aýyryp em izdegenshe,
Aýyrmaıtyn jol izde

Biz Ákimbaevtar otbasysy esirtkige qarsymyz! Bizdiń otbasy músheleri bos ýaqytymyzdy birge ótkizip, árqashan qoldaý kórsetemiz.
Bizdiń otbasy da, ózgeleri de mindetti. Nege mindetti? Ata-ana balalaryn rýhanı baıytyp, bilimge sýsyndatyp, esirtkiden aýlaq júretindeı ári jaqsy bolyp ósýine laıyqty úlgi-ónege berýi mindetti. «Uıada neni kórseń,  ushqanda sony ilesiń» dep beker aıtpaǵan ǵoı, atam qazaq. Al balalary ata-anasy bergen tárbıege, ımanǵa, jalpy aıtqanda, áke men ananyń beretin bar jaqsylyǵyn óteı alatyn dárejede ósýi kerek. Bizdiń úıdiń aqylshysy, otaǵasy, asqar taý ákemizdiń aıtýy boıynsha: «Eger meniń balalarym alkogóldi sýsynishpese, shekpese, ol meniń eńbegimniń aqtalǵany». Sol úshin biz balalary bolyp ony aqtaımyz. Meniń anam da, jeńgem de, tátem de muǵalim. Bir jaǵynan ol kisilerde salaýatty ómir saltyn ustanady. Esirtki ataýlyǵa jany qas adamdar. Bizdiń úıdiń qaı múshesi bolmasyn árdaıym esirtkige qarsy ekendigin aıtyp, tek jaqsy taǵamdar jep, densaýlyqqa qaraýdyń paıdasyn jetkizedi. Jalpy esirtkige áýestik birligi joq otbasynda qalyptasady. Eger olar bir-birine nazar aýdarmaı, óz jumysymen júrse, óz otbasysynan tappaǵan jylýlyqty bala ózgeden izdep, jaman jolǵa túsetini aıdan ańyq. 

Qazirgi tańda balalar ǵana emes eresekterde esirtkige áýes. Al eresek adam sondaı bolsa, kishilerge qandaı úlgi-ónege bermek? Qarap otyrsaq, esirtkini satatyndarda úlkenderdiń ózi. Kishkentaı kezde balany durys tárbıelese, qaıdan ǵana opasyz, jaman adam er jetedi? Sol úshin bala tárbıesine asa zer salý qajet. Bul bolashaǵy jarqyn urpaqtyń jaqsy ómir súrýine bastaıtyn jol.

Meniń paıymdaýymsha, esirtki sózsiz qylmysqa ıtermeleıtin jol. Ol tipti qarjynyń jetispeýshiligine qatysty da bolýy múmkin. Ata-ana balasyn qamtamasyz ete almasa, kez kelgen bala ózdiginshe qarjy tabýǵa kirisedi, al bul esirtki saýdasy olarǵa tıimdi bolady. Ómirde neshe túrli adam bar, olardyń barlyǵy birdeı jaqsy bolmaǵandyqtan, balany kózden tasa qylǵan durys dep sanamaımyn.

Esirtkige qarsy jol-sport. Biz úshin sport-deneni jattyqtyrý, esirtkige qarsy jol- birge ýaqyt ótkizý bolyp tabylady.  Ol ómirge senimdi qaraýǵa kómektesedi. 

Otan-otbasynan bastalady. Otbasy-shaǵyn otan. Biz qundylyǵymyzdy saqtap, egemen Qazaqstanymyzdyń bolashaǵy úshin alańdaımyz. Biz sizderdi nashaqorlyq pen alkogóldi sýsyndardan aýlaq bolýǵa shaqyramyz. Árbir otbasy odan aýlaq bolyp, ózgelerge de sony dáriptep, uǵyndyrýy qajet. Sebebi ár otbasy-shaǵyn memleket. Biz óz otbasymyzǵa laıyqty dáreje de ósip kele jatyrmyz. Bir-birimizdi qoldaımyz, bilim izdep, rýhanı baıyp jatyrmyz.

Sizderge de aıtarym ultymyzdyń aýyzbirshiligin joǵaltpaıyq! «Ulkenge qurmet,kishige izet» degendeı, bir-birimizben syılasyp júreıik. Onyń bári esirtkiden aýlaq bolýǵa áser etedi.

Biz- berik otbasymyz, ári esirtkiden aýlaqpyz!

#QZOPDEQQİQB baıqaýyna

---