Uqsaıdy bar tynyshtyq jer betinde,
Uıqydaǵy sábıdiń kelbetine.
Oıatý bylaı tursyn, ruqsat joq
Uıyqtap jatqan ulymdy terbetýge.
Uıyqta, ulym, uıyqta, bópem, qasyńdamyn,
Kerek emes, dúnıa, asyldaryń!
Baqyt, baılyq - barlyǵy meniń úshin
Seniń bir kep moınyma asylǵanyń.
Aımalaısyń janymdy kúlkińmenen,
Tamaǵyńnan aınaldym búlkildegen.
He deısiń sen burtıyp, aıtshy, sáýlem,
Qytyqtaǵan júrekti bir tilmenen?
...Qandaı ǵana anadan týady adam,
Sábılerdiń uıqysyn kýalaǵan?!
O, tynyshtyq! Tynyshtyq qandaı raqat!
Qandaı raqat sábıler jylamaǵan!
Uqsaıdy bar tynyshtyq jer betinde,
Uıqydaǵy sábıdiń kelbetine.
Kim bolsań ol bol, meıliń, ruqsat joq,
Uıyqtap jatqan ulymdy terbetýge!

---