InfoHub Logo

Beıbit kún jasasyn álemde… 9 mamyr Jeńis kúnine arnalǵan merekelik is - shara.

Maqsaty: Balalardy adamgershilikke, Otanyn súıýge, ony qorǵaýǵa baýlý. Otanǵa degen súıispenshiligin arttyrý, olarǵa patrıottyq tárbıe bere otyryp, óz elin, jerin qasterleıtin sanaly da parasatty eljandy – ultjandy azamat etip tárbıeleý.

Júrgizýshi: 9 - mamyr Jeńis kúni – búkil dúnıejúzi boıynsha úlken meıram. Ásirese, bul merekeni ekinshi dúnıejúzilik soǵystyń bar aýyrtpalyǵyn óz moınymen kóterip, Otan úshin ot keship, soǵystyń qanǵa bókken dalasynda qaısarlyqpen shaıqasqan, Jeńistiń týyn jelbiretken, Uly Otan soǵysynyń ardagerleri úshin erekshe meıram.

Qurmetti ata - analar, balabaqsha ujymy jáne balalar! Búgin 9 - mamyr Jeńis kúni merekesi qutty bolsyn. Bıyl mine osy soǵystyń aıaqtalǵanyna da 69 jyl bolsa da, soǵys oty sharpyǵan jaranyń aýzy endi jazylǵan sekildi. Bizdiń beıbit ómir súrýimiz úshin janyn qıǵan, erlikpen qaza tapqan ata - ájelerimizdiń esimin eshýaqytta umytpaýymyz kerek. Jeńis kúni qutty bolsyn. Kúndiz kúlki, túnde uıqymyz tynysh bolsyn degen tilekpen búgingi «Baldáýren» balabaqshasynyń búldirshinderiniń daıyndaǵan shaǵyn merekelik baǵdarlamasyn qabyl alyńyzdar!

Sóz «Baldáýren» balabaqshasynyń meńgerýshisi Úsenova Shynar Beısenbaıqyzyna beriledi.

Qazaqstan Respýblıkasynyń Memlekettik Gımni.

Hor: «Árqashan kún sónbesin»

Júrgizýshi:
Az emes zar jylaǵan, egilgen jan,
Az emes óshken ómir, tógilgen qan.
Keýdege zildi qasiret saldy soǵys,
Qırady talaı arman kóńilge alǵan.

Nursaıa:
Oılap - oılap turdym kóp,
Saýal berdim bilgim kep:
— Qýanyshty mereke —
Jeńis kúni qaı kún? — dep.

Janbolat:
Atamnan da suradym,
Kókemnen de suradym.
Aǵamnan da suradym,
Apamnan da suradym.
Tosty bári qulaǵyn:
— Durys, — desti, — suraǵyń!
Beıbit kúni bári de —
Jeńis kúni, shyraǵym!

Marjan:
Toǵyzynshy mamyrda,
Gúl qoıam alaý - qabyrǵa!
Eske alyp atamdy.
Ún qosamyn dabyrǵa.

Aınıaz:
Jeńis degen - jaqsylyqtyń syńary,
Jiger menen qushtarlyqtyń quraly.
Kúreskerdiń armany men urany,
Qýanysh pen merekeniń bulaǵy.

Án: «Jaý - jaý jańbyr»

Júrgizýshi: Uly Otan soǵysyna qatysqan Baýyrjan Momyshuly, Mánshúk Mametova, Álıa Moldaǵulova, Málik Ǵabdýllın, Talǵat Bıgeldınov jáne t. b jerlesterimiz az emes. «Eshkim de umytylǵan joq, esh nárse de umyt qalǵan joq». Bul sózder mereke kezinde jıi estiledi. Erlikpen qaza tapqan erlerdiń eskertkishterinde bul sózder taspen qashalyp, oıylyp jazylǵan. Al osy beıbit ómirge jete almaǵan, erlikpen qaza tapqan atalarymyz ben apalarymyzdyń rýhyna qurmetpen bas ıemiz.

Aqsultan:
Úıler de qulamaıdy,
Eshkim de jylamaıdy.
Beıbitshilik bolsa,
Balalar bolady aman,
Analar bolady aman,
Beıbitshilik bolsa.

Nurasyl:
Tastar kókke atyldy,
Orman shýlap, taý qulap…
Jıyrma segiz batyrdy
Jeńe almady jaý biraq…

Ánel:
Jamyldy jer tumandy,
Órt ishinde qaldy baq.
Jıyrma segiz qyrandy
Jeńe almady jaý biraq.

Alaý:
Oq astynda zýlaǵan
Týǵan jermen bir bolyp.
Jaý aldynda turdy olar,
Jıyrma segiz myń bolyp.

Beksultan:
Jaý jeńildi aqyry,
Atty beıbit tań kúlip.
Jıyrma segiz batyrdy
Umytpaıdy el máńgilik.
«Balapan» tobynyń búldirshinderiniń merekege arnalǵan óleń - taqpaqtaryn qabal alyńyzdar.

Mıras:
Barlyq eldiń bóbegi,
Bir - birine týysqan.
Bárimizge tógedi,
Óz shýaǵyn kúmis tań.

Meıirim:
Otan - seniń ata - anań,
Otan - dosyń baýyryń.
Otan - ólkeń Astanań,
Otan - aýdan, aýylyń.

Rabıa:
Dostyq bizge tym ystyq,
Birlik - baılyq, yrys - qut.
Jarqyrasyn kúnimiz,
Jasa - jasa tynyshtyq.

Sezim:
Zanman jańa, el jańa
Kúlimdeıdi keń dala.
Óz Astanam, Óz ordam
Súıenerim sen ǵana.

Madına:
Anamyzdaı tileýi aq,
Otan bizde bireý - aq
Ol - bizdiń Qazaqstan!

Serikbol:
Egindi tyń jerimiz,
Erkin qazaq elimiz.
Qurmetteımiz dostyqty,
Dosqa daıyn tórimiz.

Bı: «Orys bıi KATÚSHA»

Júrgizýshi: Baqyt syılap jatady ár kún,
Sanamyzǵa jaryq bergen.
Ákeleri atalardyń
Bul Jeńisti alyp kelgen.
Qýantamyz án sap jurtty,
Kele bersin baqyt tańy.
Jeńis kúniń bolsyn qutty,

Batyrlardyń urpaqtary - dep kelesi kezekte «Aıgólek» ortańǵy tobynyń uldarynyń oryndaýynda «Soldat bolam men erteń» atty ánin qabyl alyńyzdar!

Ázız:
Álıa, Mánshúk apamyz,
Baýyrjandaı atamyz.
Fashıserden Otandy
Qorǵap batyr atandy

Samal:
Álıany bul kúnde
Barlyq bala biledi.
Álıa aty - kóńilde,
Ápkemiz dep júredi.

Bı: « Aq kógershin» bıi
Beıbit kún jasasyn álemde… 9 mamyr Jeńis kúnine arnalǵan merekelik is - shara. júkteý