InfoHub Logo

Bir kúni Qojanasyr halyqty jınap alyp, ózi minbege shyǵyp:

— Jarandar, meniń ne aıtqaly turǵanymdy bilesizder me? — dep suraıdy.

— Joq, bilmeımiz, — desedi.

— Bilmeseńder, aıtýdyń da qajeti joq. Báribir bilmeısizder, — dep minbeden túsip ketedi.

— Áttegen-aı, «bilemiz» dep, áńgimesin estip alýymyz kerek eken-aý, — desedi bireýler.

Bir kezde Qoja minbege taǵy shyǵyp:

— Jarandar, meniń ne aıtqaly turǵanymdy bilesizder me? — dep suraıdy. Halyq:

— Bilemiz, — deıdi. Qoja:

— Bilseńder, men nesine aıtyp áýre bolaıyn, — dep minbeden taǵy da túsip ketedi.

— Qap, beker boldy-aý. «Biletinimiz de, bilmeıtinimiz de bar» dep, áńgimesin estip alýymyz eken-aý, — desedi jurt.

Álden ýaqytta Qoja minbege úshinshi ret shyǵyp:

— Jarandar, meniń ne aıtqaly turǵanymdy bilesizder me? — dep suraıdy. Otyrǵandar:

— Biletinimiz de, bilmeıtinimiz de bar, — deıdi.

— Endeshe, biletinderińiz bilmeıtinderińizge úıretińizder, — dep Qoja minbeden túsip, ketip qalady.

---