InfoHub Logo

QR Oqý-aǵartý mınıstri Ashat Aımaǵambetov bilim berý statısıkasy kezeń-kezeńimen kópshilikke qoljetimdi bolatynyn aıtty.

Mınıstrdiń aıtýynsha, bilim berý salasyndaǵy eń mańyzdy aqparattyq júıe – ol Ulttyq bilim berý derekter qory (UBDQ).

Júıede mektepke deıingi, orta, tehnıkalyq jáne kásiptik, qosymsha bilim berý deńgeıindegi barlyq statısıka men bilim salasyndaǵy aqparat bar. Dálirek aıtqanda, oqýshylardyń alǵan baǵalary men jetistikteri, muǵalimderdiń biliktiligi, mektepterdiń, kolejderdiń, balabaqshalardyń materıaldyq-tehnıkalyq qory jáne t.b.«Buryn UBDQ-daǵy derekterdi tek bilim salasy qyzmetkerleri ǵana paıdalansa, endi barlyq aqparat jurtshylyqqa, sarapshylarǵa, zertteýshilerge, ákimdikterge jáne basqa da memlekettik organdarǵa birte-birte jáne ártúrli dárejede qoljetimdi bolady.Qazirgi ýaqytta bilim berý statısıkasyn jınaý tetigin tolyǵymen qaıta qaraý jumystary júrgizilip jatyr. Ony negizinen elektrondy jýrnaldar júıesinen alynatyn baǵalardy qospaǵanda, UBDQ-da árbir bilim berý uıymyna jaýapty tulǵalardyń ózderi tikeleı engizetin. Endi qazir bultty býhgalterıa, elektrondy qujat aınalymy jáne elektrondy kadr, elektrondy attestasıa jáne basqa da júıelerden barlyq negizgi aqparatty avtomatty túrde jınaý sharalary júrgizilip jatyr. Iaǵnı barlyq aqparat avtomatty túrde derekter qoryna túsedi», - dep jazady mınıstr. Iaǵnı, endigi jerde bilim berý júıesiniń ashyqtyǵyn qamtamasyz etý úshin Ulttyq bilim berý derekter qorynan (UBDQ) ártúrli qurylymdarǵa, zertteýshilerge jáne jurtshylyqqa arnalǵan ıesiz derekter belgili bir parametrler boıynsha kezeń-kezeńimen jalpyǵa qoljetimdi bolady. Belgili bir parametrler boıynsha kez kelgen adam statısıkalyq derekterdi baqylaı alady.

---