InfoHub Logo

B. M. Jumabekova
№8 «Búldirshin» sanatorıalyq balabaqshasy
komýnaldyq memlekettik mekemesiniń mýzyka jetekshisi
Qyzylorda qalasy

Maqsaty: 1 qyrkúıek - Bilim kúnin, 30 tamyz - Ata Zań kúnin atap ótý, mańyzyn túsindirý. Merekeni sezindirý. arnaıy ánder, taqpaqtar úıretý. Otanshyldyqqa tárbıeleý.
Sahna mádenıetine baýlý. Kóńildi orta qalyptastyrý.

Bı «Mereke»
1 - bala: Erekshe búgingi kún, saltanat sán
Terbeter júrekterdi bir ásem án
Shat - shadyman barsha el, barsha halyq
Qulpyryp tur gúldermen aınala, mań
Qymbatty balalar, qurmetti ata - analar, balabaqsha qyzmetkerleri!
Barshańyzdy búgingi 1 qyrkúıek - bilim kúnimen, jańa 2016 - 2017 oqý jylynyń bastalýymen quttyqtaımyz!
Merekemizge qosh keldińizder!

2 - bala: Balabaqsha esigin
Úshke tola ashqanbyz.
Balapandaı mápelep,
Ósirýde baqshamyz.

3 - bala: Bul - ekinshi úıimiz,
Bir týǵanbyz bárimiz.
Biz - osy úıdiń gúlimiz
Biz - osy úıdiń sánimiz.

4 - bala: Egemen eldiń tósinde,
Shýaǵyn shashqan araı kún
Azamat bolyp ósemiz
Qyzyǵa álem qaraıtyn.

5 - bala: Bıikterge bastaıtyn asqaraly
Ár júrektiń súıikti, asqaq áni
Merekede bárimiz bir daýyspen
Shyrqaıyq elimizdiń ánuranyn!
QR Memlekettik ánurany

6 - bala: Shaıdaı ashyq beıbit kúnniń aspany
Baqshamyzdyń kelisip tur bar sáni
1 - qyrkúıek - saltanatty merekemen
Quttyqtaıdy meńgerýshi barshany!
Súıikti apaıymyz - Baqyt Názikqyzyna qurmetti sóz kezegin usynamyz!

 Quttyqtaý sóz
(Osy kezde Karlson kiredi)
Karlson: Sálemetsińder me balalar! Men Karlsonmyn, osy balabaqshanyń shatyrynda turamyn. Munda ne bolyp jatyr?
7 - bala: Biz Bilim kúnin toılap jatyrmyz.
Karlson: Bilim kúni? Sonda búgin qaı kún?
8 - bala: Búgin - 1 qyrkúıek, kúz mezgiliniń alǵashqy kúni.
Karlson: Toqta² Sender sonda jyl mezgilderin ajyrata alasyńdar ma?
Balalar: Árıne!
Karlson: Onda maǵan kómektesińdershi... Men bir sýretti bastaǵanyma (saýsaǵyn sanaı bastap jańylyp qalady) bilmeımin, kóp jyl boldy. Sýretti salyp bitirgenshe jyl mezgilderi aýysyp kete beredi, ábden shatasyp kettim. Búgin kúz mezgili bolsa sýrettegi kúz mezgiliniń belgilerin qaldyryp, qalǵan jyl mezgilderiniń belgilerin alyp tastaıyq, jaraı ma?
Balalar: Jaraıdy!
Karlson: Men sýretimdi qazir alyp kelemin!..
(Orakaldarmen qıyp japsyrylǵan qarlar, gúlder, sary japyraqtar t. b. aralasqan jyl mezgilderi beınelengen sýreti bar úlken mata jerge tóseletindeı nemese malbert sıaqty turatyn, biraq búkil qabyrǵany alatyndaı daıyndalady, barlyq balalar qatysý kerek)
Karlson: Keremet! Sýretimdi tez - aq aıaqtap berdińder! Bilgen degen qandaı jaqsy!

9 - bala: Korabldi basqaryp
Kók júzine samǵatar
Taýdy buzyp, tas jaryp
Muhıttardy jalǵatar
Syrlary kóp ǵylymnyń
Sheshilmegen áli de
Tereńdigi bilimniń
Kerek eken bárine!

10 - bala: Bilim - meniń erteńim
Ósý úshin órkenim
Júzem oqý - aıdynda
Jaıyp bilim jelkenin
Qıyndyqtan ótýge
Armandarǵa jetýge
Bilim alam erinbeı
Elime qyzmet etýge!

 Jeke án «Bárin bilgim keledi» Mýz: A. Espenbetova, sózi: B. Jumabekova
(Ánniń sońyn ala mystan kiredi)
Mystan: Búgin nege murnym qaıta - qaıta qyshıdy desem, munda mereke bolyp jatyr ǵoı! Menen jasyrǵylaryń keldi me? Bilim almaqshysyńdar, á! Bola qoımas! Men senderdiń tárbıeshilerińniń bárin ózderiń sıaqty kishkentaı balalarǵa aınaldyryp jiberdim. Áne, kele jatyr!.............. (Tárbıeshiler balalar bolyp kıinip keledi)

11 - bala: Qyzyq eken?! Endi ne bolady?
Karlson: Bul - qaıta tamasha ǵoı! Bárimiz birge qyzyqty oıyndar oınaımyz. Men oıyn oınaǵandy qatty jaqsy kóremin. Mysaly myna meniń sándi shalbarymmen oıyn oınaıyq. Sender tárbıeshiler men balalar bolyp jarysyńdar. Men tóreshi bolamyn! ( Karlson oıyn shartyn túsindiredi: Tárbıeshiler men balalar eki topqa bólinip turady. Ár toptan eki oıynshy juptasyp, shalbardyń eki balaǵyn bir - bir aıaqtaryna kıip belgilengen jerge deıin aınalyp kelýleri kerek. Mystan kedergi jasap, oıynshylardy jaman qylyqqa azǵyryp júredi)

Oıyn «Sánqoılar»
(Oıyn bitkesin «tárbıeshi balalar» shyn balalardyń minezin salyp biri jylap, biri oıynshyqtardy shashyp t. b. qylyqtar jasaıdy)
Karlson: Bul ne boldy? Balalar sender de osyndaı mazasyz, buzyq bolasyńdar ma? Sebepsiz jylaısyńdar ma? Oıynshyqtaryńdy shashyp tastaısyńdar ma? Úlkenderdi tyńdaısyńdar ma? (T. b. suraqtarǵa jaýap alyp, balalarmen áńgime júrgizedi) Endeshe tárbıeshilerdiń árqaısysyn qoldarynan jetelep bıge alyp shyǵyńdarshy, múmkin jylaǵandaryn qoıyp, kóńilderi kóteriler...?!

Án - bı «Bala, bala, balapan»
Mystan: Myna ánderiń men bıleriń meniń de kóńilimdi kóterdi. Senderdiń merekege shaqyrmaǵandaryńa renjigen ashýym tarqady. Apaılaryńdy qaıta sıqyrlaıyn, ózim de ábden sharshadym, ertegiler eline qaıtaıyn, qartaıǵan degen osy shyǵar, saý bolyńdar! (Sıqyrlaıdy, shyǵyp ketedi) 
Tárbıeshiler: Bizge ne bolǵan? Mynaý ne túrimiz?
(Bantıkterin sheship, oıynshyqtaryn ornyna qoıa bastaıdy)
12 - bala: Sizderdi mystan áje kishkentaı balalarǵa aınaldyryp sıqyrlady.
Tárbıeshiler: Báse, báse! Mystan - aq áıteýir, birdeńeni búldirmese júre almaıdy - aý! Endeshe biz balabaqshamyzdyń naǵyz kishkentaılaryn ertip keleıik...( shyǵyp ketedi) (İ sábıler toby balalary ortaǵa shyǵady)
İ sábı toby tárbıeshileri: Búkil elde bastalyp búgin jyry,
Baq qońyraý shaqyrar uǵymdyny.
Bilim - ǵylym bastaýy, merekeli
Qutty bolsyn búgingi Bilim kúni!
Bóbekterdiń merekelik tartýlaryn qabyl alyńyzdar!
Bı «Bóbekter bıi»
13 - bala: Kóp rahmet senderge, kishkentaı dostar!
Balalar! Búgingi merekemizdiń qońyraýyn soǵýdy bóbekterge tapsyrsaq qaıtedi?!
Balalar: Tabylǵan aqyl!
Alǵashqy qońyraý soǵý saltanaty
14 - bala: Shyryldaǵan tynym almaı
Qońyraýdyń úni qandaı!
Maqsatyna jete me adam
Oqý oqyp, bilim almaı?!
Ǵylymnyń kóp tas qamaly
Ǵalymdyq ta asqaraly
Bar bilimniń nur bastaýy -
Balabaqshadan bastalady!
Án «Otannyń jas órkeni» Mýz: G. Daýylbaeva, sózi: B. Jumabekova
15 - bala: Jaqsy bala azamat atanady,
Halqynan, ata - anadan bata alady.
Merekege aıtsyn dep aq tilegin,
Ortaǵa shaqyraıyq ata - anany –
Aq tilekterin bildirý úshin ata - analarymyzǵa mıkrofon usynaıyq.
Ata - analar tilegi, aq batasy
16 - bala: Ata - analar qurmetine bıimizdi qabyl alyńyzdar!
 Bı «Qazaq bıi»
Karlson: Balalar, bilesińder me?! Men jańa búgin bilim kúninen basqa elimizde taǵy bir úlken mereke toılanýda degendi estip qaldym, ol qandaı mereke?
17 - bala: Ol Ata Zań kúni ǵoı!
Karlson: Ondaı mereke týraly bilmeıdi ekenmin.....
18 - bala: Onda Ata Zań týraly bizdiń «Qarlyǵash» tobyndaǵy dostarymyz túsindirip bersin......
1 - bala: Ata Zańym
Ata Zańym - altyn zańym, ardaǵym,
Aıalaǵan adamzattyń armanyn.
Jol bastaıdy bolashaqqa jasampaz,
Árbir babyń, taraýlaryń, tarmaǵyń.
Altyn Zańda – parasatym, paıymym.
Altyn Zańda - kúsh – qýatym, jalynym.
Sen qorǵaısyń bostandyq pen quqyqty,
Anamdaısyń eljiregen jany kún.
2 - bala: Ata Zańym
Ata zańym - birligim
Berekeli is, tirligim
Eldiń yrys, baqyty
Beıbitshilik, nurly kún!
Ata zańym – qýatym
Senim, maqsat, muratym
Maqtanyshym, kók týym
Kókte shalqyp turatyn!
3 - bala:  «Altyn zańym - araı tańym!»
Shyndyǵymnyń shyraıy
Baqytymnyń kún, aıy
Qamqor bolyp bóbekke
Qolyn sozǵan udaıy
Altyn zańym - araı tańym
Shattyǵymdy qorǵaıdy
Márttigimdi qoldaıdy
Ar atynan aıtqan soń
Eki sózi bolmaıdy
Altyn zańym - araı tańym
Ádilettiń urany
Aqıqattyń shyǵary
Tynyshtyqtyń týy bop
Zań saltanat qurady!
4 - bala: Iá, bizdiń óz Ata zańymyz bar. Biz - táýelsiz elmiz. Bıyl táýelsizdigimizge - 25 jyl toldy!
5 - bala: 25 jyl ishinde elimiz talaı asý bıikterdi baǵyndyrdy. Jazǵy olımpıada qorjynyn toltyrǵan altyn, kúmis, qola júldeler – elimizdiń dańqyn asqaqtata tústi. Jeńisti kúnder kóp bolsyn!
Jeke án «Meniń elim!» Mýz, sózi: A. Mahanbetova
19 - bala: Qos mereke qatar kelgen búgingi kún qandaı keremet edi!
20 - bala: Iá, ıá! Biz – jeri - baıtaq, eli - darhan, zańy - ádiletti Qazaqstan degen elde turamyz. Biz - baqytty balalarmyz!
21 - bala: Elimizdi, jerimizdi, elbasymyzdy, balabaqshamyzdy jaqsy kóremiz!
Án «Búldirshin ánurany» mýz: A. Espenbetova, sózi: B. Jumabekova
Tárbıeshi: Jańa oqý jyly jemisti
Mereıi ústem jyl bolsyn
Búldirshinderimiz óristi
Elim der qyz ben ul bolsyn.
Mereke taǵy da qutty bolsyn! Ár kúnimiz merekeli bolsyn! Qońyraý únimen jańa oqý jylynyń alǵashqy oqý is - áreketin bastaý úshin tobymyzǵa asyǵaıyq!