Bilim mınıstri: Oqý jylyn maýsym aıyna deıin uzartýǵa týra keledi
Beskúndik bilim júıesine kóshetin bolsaq, oqý jylyn jazdyń ortasyna deıin uzartýǵa týra keledi. Bul týraly búgin QR Bilim jáne ǵylym mınıstri Erlan Saǵadıev málim etti.
«Bul bizge óte qajet, sebebi biz beskúndik oqý júıesine kóshetin bolsaq, oqýshylar taǵy 36 kún demalady. Osy 36 kúnniń ornyn toltyrý kerek. Sol sebepti biz mektepte oqý ýaqytyn jazda uzartýǵa týra keledi», - dedi mınıstr tilshilerge bergen suxbatynda.
«Búgingi ýaqytta birinshi synyp oqýshylary 1 maýsymda oqýlaryn aıaqtaıdy dep josparlanýda. Jyl saıyn bul merzim uzara túsedi jáne maýsymnyń ortasyna deıin jetýi yqtımal», - dedi E. Saǵadıev.
Onyń aıtýynsha, oqý ýaqytynyń uzarýy jańa bilim berý baǵdarlamasynyń qabyldanýyna da baılanysty bolyp otyr.
You Might Also Like
-
Astanada oqýshylardyń mektep formasyn tigetin otandyq óndirýshilerdiń kórme-forýmy ótýde. Atalmysh kórmede kórsetilgen mektep formalaryn kórý úshin QR Bilim jáne ǵylym mınıstri Erlan Saǵadıev arnaıy ke...
