InfoHub Logo

Táýelsiz elimizdiń bolashaǵy jarqyn, keleshegi kemel bolýy ósip kele jatqan jastarymyzdyń qabilet-qarymyna, talantty men básekege qabilettiligine tikeleı baılanysty. Sondyqtan ustazdar aldynda turǵan basty maqsat-isker, bilimdi, synı turǵydan oılaı alatyn, adamgershiligi joǵary, qabiletti tulǵa qalyptastyrý bolyp tabylady. Bilim oshaǵynyń tabaldyryǵyn attaǵan oqýshylardyń barlyǵy talantty, daryndy. Tek olardyń boıyndaǵy qabiletin ashyp, jan-jaqty damýyna jol siltep, shyǵarmashylyq qatynasyn, azamattyq belsendiligin qalyptastyrýdyń mańyzy zor. Bul baǵyttaǵy júıeli júrgizilip jatqan jumystardyń nátıjesinde shákirtterimiz túrli deńgeıdegi jarystar men baıqaýlarda, olımpıadalarda top jaryp, mektebimizdiń mártebesin bıiktetip keledi.

«B.Maılın atyndaǵy №21 jalpy orta mektep» komýnaldyq memlekettik mekemesiniń 10-synyp oqýshysy Abjapbar Ónege Maratqyzy  2023-2024 oqý jylyndaǵy jalpy bilim beretin pánder boıynsha respýblıkalyq ǵylymı jobalar konkýrsynyń aýdandyq kezeńinde «SMART BESİK» taqyrybyndaǵy ǵylymı jobasyn qorǵap, İ orynmen  oblysqa joldama aldy. Respýblıkalyq ǵylymı jobalar konkýrsynyń oblystyq kezeńinde júldeli İİİ dárejeli dıplommen marapattaldy. Ǵylymı jetekshisi Býırabaeva Gýlmıra Ýtegenovna.

Abjapbar Ónege Maratqyzy jan-jaqty daryndy,qabiletti oqýshy.Qandaı baǵyttaǵy baıqaýlar men olımpıadalar bolsyn qatysyp, júldemen oralady. Oǵan dálel Jetisaı aýdanynyń bilim bóliminiń jumys josparyna sáıkes jalpy bilim beretin mektepterdiń

8-11 synyp oqýshylary arasynda «Aqberen» respýblıkalyq óner baıqaýynyń «Kórkemsóz oqý nomınasıasy» boıynsha Abjapbar Ónege Maratqyzyjúldeli İİİ dárejeli dıplommen marapattaldy.

Respýblıkalyq «Ábish oqýlary» baıqaýynyń mánerlep oqý baǵyty boıynsha Abjappar Ónege İİİ dárejeli dıplommen marapattaldy.

Jas órkenniń boıyndaǵy tabıǵat berer erekshe qabiletti, daryndylyqty tanı bilý, onyń ári qaraı damýyna baǵyt-baǵdar bere bilý erekshe qıyn da qyzyqty is. Alaıda, ár balanyń jeke qabiletin anyqtap, ony sol baǵytta jeteleý – ustaz paryzy. Balany zaman talabyna qaraı kóregendikpen ıkemdep, óz zamanynyń ozyq ónegesin sanasyna sińire bilý, olardy shyǵarmashylyq baǵytta jan-jaqty damytý – búgingi kúnniń basty talaby. 

Abaıdyń: «Aqyryn júrip, anyq bas, Eńbegiń ketpes dalaǵa. Ustazdyq etken jalyqpas, Úıretýden balaǵa», — degen óleń joldary eriksiz oıǵa oralady. Eger ár shákirt ómirde bir kirpish bolyp qalanyp, ustazdan shákirt ozyp jatsa, tókken ter men adal eńbektiń aqtalǵany emes pe ?!

«B. Maılın atyndaǵy №21 jalpy bilim beretin mektep» komýnaldyq memlekettik mekemesiniń dırektory B.Seıdımbekov

---