InfoHub Logo

1 - qyrkúıek – bilim kúni.
Tárbıe saǵatynyń taqyryby: «Bilimniń bastaýy - balabaqshada».

Tárbıe saǵatynyń maqsaty: Balalarǵa 1 - qyrkúıek kúni – bilim kúni jaıynda túsinik berý. Óz týǵan elderine, jerlerine, balabaqshasyna súıispenshilikke tárbıeleý. Baılanystyryp sóıleýge, sóılem qura bilýge úıretý.
Kórneki - quraldar: Qazaqstan Respýblıkasynyń rámizderi, sýretter.
Ádis - tásilder: kórnekilik, sózdik, suraq - jaýap.
Barysy: İ. Kirispe bólim.
Estigende kók aspannyń astynda,
Tik turyndar aıtylǵanda Ánuran.
Bar qazaqtyń únindeı sharyqta,
Sharyqtashy, Ánuranym, sharyqta! Memlekettik ánurandy oryndaý.

Tárbıeshi: Shattyq sheńberi:
Jańa qadam jasadym,
Qosh bolyp tur, besigim.
Men qýanyp ashamyn,
Balabaqsha esigin.

Tárbıeshi: Qurmetti tárbıeshiler! Qymbatty balalar, ata - analar jáne barsha qazaqstandyqtar! Sizderdi búgingi jarqyn da qýanyshty, aıtýly mereke – Bilim kúnimen quttyqtaımyn!

Tárbıeshi: Balalar, búgin bizde erekshe kún, búgingi oqý is - áreketimiz bizdiń bilim kúnine, birinshi qyrkúıek kúnine arnalady. 1 - shi qyrkúıek kúni barlyq balabaqshalarda, mektepterde basqa da bilim berý mekemelerde sabaqtar bastalady. 1 - qyrkúıek barsha qalyqtyń dástúrli merekesi! Bul kún sender úshin, ıaǵnı oqýshylar úshin jáne bizder úshin, ustazdar, tárbıeshiler úshin úlken mereke kúni bolyp sanalady. Ár bir mektepterde, balabaqshalarda, basqa da bilim berý mekemelerde tuńǵysh qońyraý soǵylady (tárbıeshi qońyraý soqqan balanyń sýretin kórsetedi).
Osy tuńǵysh qońyraýdan bastap kúndelikti oqý bastalady. Balalar, jaqsy, bilimdi, tárbıeli azamat bolý úshin, erinbeı oqý oqyp, bilim alý kerek. Ol úshin sender balabaqshaǵa kúnde kelip, sabaq oqyp, tárbıe alý kereksińder.
Balalar, biz ekinshi sábıler «Órken» tobynda oqý oqyǵanda bizdiń Qazaqstan Respýblıkasynyń rámizderi jaıynda bilim alǵanbyz, endeshe esimizge túsireıikshi, biz qandaı Qazaqstan Respýblıkasynyń rámizderin bilemiz.
(balalardyń jaýabyn tyńdaý)

Tárbıeshi: Durys, ánuran, eltańba, tý.
Balalar, aıtyńdarshy, biz qaı Respýblıkada turamyz?
Balalar: Biz Qazaqstan Respýblıkasynda turamyz.
Tárbıeshi: Durys. Qazaqstan Respýblıkasynyń prezıdenti kim?
Balalar: Nursultan Ábishuly Nazarbaev.
Tárbıeshi: Óte jaqsy. Bizdiń Qazaqstan Respýblıkasynyń elordasy qaı qalada?
Balalar: Qazaqstan Respýblıkasynyń elordasy Astana qalasy.
Tárbıeshi: Óte jaqsy balalar. Aıtyńdarshy, biz qaı aýylda týyp, ómir súrip jatyrmyz?
Balalar: Biz Shelek aýylynda týyp, ómir súrip jatyrmyz.
Tárbıeshi: Balalar, aıtyńdarshy, bizdiń balabaqshamyzdyń aty qalaı?
Balalar: «Báıterek» balalar baqshasy.
Tárbıeshi: Óte jaqsy balalar. Sender ózderinniń Respýblıkalaryn, rámizder jaıynda, elorda jaıynda barlyǵyn bilesińder. Jaraısyńdar!
İİ. Negizgi bólim.
Endeshe biz búgingi merekege arnalǵan óleń taqpaqtarymyzben oqý is - áreketimizdi jalǵastyraıyq.
Tárbıeshi: Búkil elde bastalyp búgin jyry,
Baq qońyraý shaqyrar uǵymdyny.
Bilim - ǵylym bastaýy, merekeli
Qutty bolsyn búgingi Bilim kúni! (shapalaq).
İńkár: Jymyńdap kúz keldi,
Kúlińiz siz de endi.
Birinshi qyrkúıek
Qarsy alshy bizderdi!
Abylaı: Ósti mine boıymyz,
Ósti mine oıymyz.
Qýanyshqa ortaqpyz,
Qutty bolsyn merekemiz.

Jansaıa: Balabaqsha esigin
Úshke tola ashqanbyz.
Balapandaı mápelep,
Ósirýde baqshamyz.
Aıbota: Bul - ekinshi úıimiz,
Bir týǵanbyz bárimiz.
Biz - osy úıdiń gúlimiz
Biz - osy úıdiń sánimiz.

Nazym: Syrlary kóp ǵylymnyń
Sheshilmegen áli de
Tereńdigi bilimniń
Kerek eken bárine!
Aısha: Bilim - meniń erteńim
Ósý úshin órkenim
Júzem oqý - aıdynda
Jaıyp bilim jelkenin
Aıqyn: Qıyndyqtan ótýge
Armandarǵa jetýge
Bilim alam erinbeı
Elime qyzmet etýge!

Janerke: Qyrkúıektiń birinde,
Keýdem toly dirilge,
Qulaq túıem eleńdep,
«Baqsha» degen bir únge.

Dýman. Balabaqsha - aıtar ánim,
San ret qaıtaladym.
Ózińnen alǵanymdy,
Ózińe qaıtaramyn.

Tárbıeshi: endi balalardyń maqal - mátelderin tyńdap kóreıik.

Anar: Bilekti birdi jyǵar,
Bilimdi myńdy jyǵar.

Janerke: Kitap - bilim bulaǵy,
Bilim – ómir shyraǵy.

Aıbek: Aqyl azbaıdy,
Bilim tozbaıdy.

Angelına: Oqy da bil,
Oına da kúl.

Danıal: Bilim kúni qutty bolsyn!

Tárbıeshi: Sergitý sáti.
Kúndeı bolyp kúlemiz,
Gúldeı bolyp ósemiz.
Qustaı bolyp ushamyz,
Kóbelekteı qonamyz.

İİİ. Qorytyndy bólim.
Shyryldaǵan tynym almaı
Qońyraýdyń úni qandaı!
Maqsatyna jete me adam
Oqý oqyp, bilim almaı?!
Ǵylymnyń kóp tas qamaly
Ǵalymdyq ta asqaraly
Bar bilimniń nur bastaýy -
Balabaqshadan bastalady!

Tárbıeshi: Mine, balalar, osy kúnnen bastap bizde kúndelikti oqý is - áreketterimiz, qyzyqty da kóp nársege úırenetin kúnderimiz bastaldy. Árqashan búgingideı jaqsy kóńilmen, barlyǵyn úırenemiz.

Bilimniń bastaýy - balabaqshada. júkteý