InfoHub Logo

Sońyna deıin oqylmaǵan kitap, 3 sabaqtan soń jaıynda qalǵan aǵylshyn tili, dúısenbiden bastalatyn sport, taǵysyn taǵy. Tanys pa?

Bastaǵan isti jalǵastyrýǵa ne kedergi? Qansha syltaý oılap taptyńyz? Bul sózden keıin ózińizdi qatty sókpeńiz. Sebebi bul másele kóp adamdyń ómirinde oryn alýda. İsti sońyna deıin jetkizip, nátıje kórýdi qalaısyz ba?

Leo Babaýta - úzdiksiz damý ústindegi tanymal jazýshy jáne bloger. Ekspert isti tastamaı, sońyna deıin jetkizýge kómek beretin keńesterimen bólisti.

Ózińizdi qınamańyz

Májbúrleý nıeti jaqsy bolǵanymen, nátıjege jetkizýi ekitalaı. Ózińizdi kúshtep jasaǵan is-áreket az ýaqyt ishinde jekkórinishti bolady. Bir isti jasaýǵa májbúrleýdiń ornyna, oń motıvasıa tabýǵa tyrysý kerek.

Mysaly, keıbir adamdar úshin fıtnes zalǵa baryp jattyǵý tym qıynǵa soǵady. Sonda jattyǵýdan keıingi sezimdi, ózine rahmet aıtyp turǵan sátti elestetý kishigirim motıvasıa.

Asyqpańyz

Úlken ydystaǵy taǵamdy eshkim 1 sekýndta taýsyta almaıdy. Sonymen qatar, shamadan tys tamaqtaný as qorytýdyń buzylýyna sebepshi. Jaqsy nátıjege qol jetkizý úshin sabyr saqtap úırengen jón. Az-azdan, biraq jıi oryndalǵan is-áreket márege tezirek jetkizedi.

Impúlsti paıdalaný

Túngi saǵat úsh bolsyn kelgen shabytyńyzdy joǵaltyp almańyz.  Boıda qulshynys oıanǵan sátti paıdalanyp úırený kerek. Tym qolaısyz ýaqyt bolsa da jasaı bastańyz. Bul jańa ıdeıalar men oılar sıaqty - eger birden jazyp almasa, qaıtalanýy óte qıyn.

Maqsat jaıly umytpaý

Bir isten bastartqyńyz kelse, ne úshin bastaǵanyńyzdy esińizge túsirgen durys bolady. Bastapqyda kózdegen maqsatty umytsańyz, nátıje nól. Baǵytyńyzdy joǵaltpańyz. Kempirqosaq sońynda altyn qumyra bary únemi esińizde bolsyn.

Kóterińki kóńil-kúı

Leo Babaýta úshin súıikti ánderin tyńdaý erekshe kóńil kúı syılaıdy. Sizde basqa nárse bolýy múmkin. Bireý shabyt alý úshin kitap oqıdy, bireý júgirýge barady,kıno kóredi nemese medıtasıa jasaıdy. Óz qolyńyzben sýret salý da jaqsy kómektesedi. Essizdikti jeńip, ári qaraı júrýge jol silteıdi.

Kúmándanýdy doǵarý qajet

Eń sońǵy jáne eń mańyzdysy. Kúmán týyndaǵanda qarsy turý jáne josparlanǵan joldan taımaý óte qıyn. Kúmán men qorqynysh bolashaqpen tyǵyz baılanysty. Biraq áli bolmaǵan nemese eshqashan bolmaıtynǵa alańdaý durys emes. Al bastaǵan isten bas tartý – aqymaqtyq. Qandaı tyǵyryqqa tirelseńiz de shyǵar jol bar. Ár sekýnd saıyn álem bizge jańa múmkindikter syılaıdy. Endeshe nege ony qoldanbasqa?

Abdirahman Arýjan

---