InfoHub Logo

Synyby:4 «V»
Sabaqtyń taqyryby: Birikken sózder 38 - 43 jattyǵý
Sabaqtyń maqsaty:
a) Bilimdilik: keıbir sózder birneshe túbirlerden quralyp, birigip jazylatynyn mysaldar arqyly túsindirý. Jer - sý attaryn bildiretinin birikken sózderdegi qatar kelgen eki daýysty dybys saqtalyp jazylatynyn aıtý. Eki sózden turatyn kisi attaryndaǵy qatar kelgen eki daýysty dybystyń biri túsirilip jazylatynyn aıtý.
á) Damytýshylyq: aýyzsha jáne jazbasha tilderin damytý, sózdik qoryn baılanystyryp sóıleýin, shyǵarmashylyq qabiletin arttyrý. Toppen shyǵarmashylyq jumys isteýge úıretý.
b) Tárbıelilik: oqýshylardy uqyptylyqqa, izdenimpazdyqqa, jınaqylyqqa, saýattylyqqa ári kórkem jazýǵa tárbıeleý.
Sabaqtyń tıpi: jańa sabaq
Sabaqtyń túri: jarys sabaq
Sabaqtyń ádisi: suraq - jaýap, túsindirý, áńgime, baıandaý,
Pán aralyq baılanys: matematıka, dúnıetaný, beıneleý, ana tili.
Sabaqtyń kórnekiligi: Arnaý sóz, Ǵ. Mustafınniń portreti, mazmundy sýretter, plakat, dıdaktıkalyq oıyndar, t. b.

Sabaq barysy:
İ. Uıymdastyrý kezeńi.
Oqýshylardy túgeldeý, oqý quraldaryn aldyrý.
Nazaryn sabaqqa aýdarý

İİ. Psıhologıalyq daıyndyq
Kúlimdep kún búgin, (qoldaryn kóteredi.)
Qarady maǵan da! (qoldaryn keýdelerine qoıady.)
Kúlimdep kún búgin,
Qarady saǵan da! (qasyndaǵy balaǵa qaraıdy)
Sálem deımin dostarǵa!
Sálem barsha ustazǵa!
Tatý bolyp halyqtar,
Aman bolsyn balalar!

İİİ. Úı tapsyrmasyn pysyqtaý
36 – jattyǵý
Kóp núkteniń ornyna tıisti birikken sózderdi taýyp jaz.
İ - top İİ - top
1. Ańdar -------- 3. Ósimdikter -------------------
2. Qustar ------- 4. Jer, sý attary ----------------

Ereje suraý Hormen oqýshylarǵa oqytý
Keıbir sózder eki túbirden quralady. Eki túbirden jasalǵan sóz birikken sóz dep atalady. Birikken sózdi quraıtyn túbirler birigip jazylady. Óıtkeni eki túbirden quralǵanymen bir ǵana maǵynany beredi, bir ǵana suraqqa jaýap beredi.

İÝ Jańa sabaq
Epıgraf
Bilem deme, balam
Bilmeıtiniń kóp shyǵar
Bul dúnıede sirá,
Bárin bilgen joq shyǵar – degendeı, bizdiń bilgenimiz – bir toǵyz, bilmeıtinimiz – toqsan toǵyz.
Sondyqtan búgingi sabaǵymyzdyń maqsaty – bilimimizdi tereńdetý, jadymyzda saqtap, paıdalana, qoldana bilý. Saýatty da ádemi jazý daǵdysyn qalyptastyrý.
Ǵabıden Mustafın qazaqtyń áıgili jazýshysy, qoǵam qaıratkeriniń myna bir arnaý sózine nazar aýdaraıyq
Mustafın Ǵabıden (1902 - 1985) – qazaqtyń áıgili jazýshysy, qoǵam qaıratkeri
Arnaý sóz
«Muralardyń eń qymbaty – sóz. Sóz kún shalmas qarańǵy kóńildi shalady. Kún jylytpas sýyq kóńildi jylytady. Asyly adam da, nárse de tozady, joǵalady. Al asyl sóz máńgi jasaıdy.»
(Ǵ. Mustafın)

Muǵalim túsindirmesi:
Ótken sabaqta biz ertede «Sózstan» degen bir aqsaqal ómir súrgenin aıttyq. Endi osy aqsaqaldyń tórt uly bar eken. Olardyń attary «Kúrdeli sóz», «Birikken sóz», «Qos sóz» «Qysqarǵan sóz». Birikken sóz yntymaqta, birlikte, tatýlyqta ómir súripti. Balalary da tatý bolyp, bir - birinen ajyramaı, uıymshyl bolǵan eken. Biz búgin «Kúrdeli sóz» aqsaqaldyń «Birikken sóz» ulynyń ómir tarıhymen tereńdete tanysamyz.