InfoHub Logo

Sabaqtyń taqyryby: Birikken sózder.
Sabaqtyń maqsaty: Bilimdilik: Oqýshylarǵa birikken sózderdiń jasalý joldaryn, túrlerin meńgertý, kúrdeli sózder túrlerinen, ajyrata bilýge úıretý;
Damytýshylyq: Este saqtaýǵa, oı óristerin, yntasyn, tanymyn, zeıinin, qyzyǵýshylyǵyn arttyrý, izdendirý, shyǵarmashylyq qabiletterin, sózdik qorlaryn damytý;
Tárbıelik: Adamgershilikke, eńbeksúıgishtikke, shapshańdyqqa, tapqyrlyqqa, jınaqylyqqa, óz oılaryn erkin jetkize bilýge tárbıeleý;
Kórnekiligi: ınteraktıvti taqta, slaıdtar, úlestirme kespe qaǵaz, rebýs, top attary, keste, birikken sózderge baılanysty «Tańǵajaıyp tabıǵat» sýretteri, shyǵarmashylyq jumys.
Sabaqtyń túri: Aralas sabaq.
Ádisi: Suraq – jaýap, túsindirý, taldaý, baıandaý, STO strategıalary.

Sabaqtyń barysy:
I. Uıymdastyrý bólimi. Oqýshylarmen amandasý, sabaqqa daıyndyǵyn, synyp tazalyǵyn tekserý, topqa bólý: «Atameken», «Jeruıyq», «Jumbaqtas» İİ. Psıhologıalyq qyzyǵýshylyqty oıatý. – Biz qandaımyz, qandaımyz
Shuǵylaly tańdaımyz
Kúlimdegen kúndeımiz
Renjýdi bilmeımiz
Úlkendi syılaımyz
Kishini jaqtaımyz
Biz kóńildi balamyz
Qaıyrly kún dep, qonaqtar
Sálemdesip alamyz
Qaıyrly kún bolsyn!
Árqashan kúnimiz sátti bolsyn!.

II. Úı tapsyrmasyn suraý. Ereje: «Kúrdeli sóz»
III. Jańa sabaqqa daıyndyq.
1 - slaıd.
Sóz tulǵasyna qaraı
↓-----------------↓
Túbir-----Qosymsha
--------------↓---------↓
---------Jurnaq Jalǵaý
2 - slaıd. Sóz quramyna qaraı Dara, kúrdeli birikken, qysqarǵan, qos sóz, tirkesti
Túbir
Týyndy
Kúrdeli sóz
Syzbamen jumys.
- Olaı bolsa, ertegini esimizge túsireıik. Erte, erte., ertede «Sózstan»degen elde bir aqsaqal ómir súripti. Ol aqsaqaldyń aty - «Kúrdeli sóz». Onyń úsh uly bolypty. Sol aqsaqalmen birge bizge taǵy bir ata kelipti. - Ol ataı bizge kóptegen tapsyrmalar ákelipti. - Al biz birigip tapsyrmalardy oryndasaq kim ekenin sabaq sońynda bilemiz.

IV. Dáptermen jumys Kún jadyn jazyp, Sýretti dıktant jazamyz. Alma+jan, Aına+gúl, Aı+dos, ıt+muryn, túıe+qus, tas+baqa, toǵyz+qumalaq, alty+baqan, shań+qobyz. Osy sózderdi sóz quramyna taldaıyq. Oqýshylar taldap eki túbirden turatynyn aıtady.
Muǵalim:- durys, sol aqsaqaldyń «Birikken sóz» uly yntymaqta, birlikte baqytty ómir keshipti. Balalary da tatý bolyp, bir - birinen ajyramaı, uıymshyl bolǵan eken.

V. Jańa sabaq. Birikken sózder. Kókjıek, shekara, aqqutan, Kókjıek - tańerteńgi mezgil, ashyq aspan aıasy. Aqqutan - deneli, aıaǵy uzyn, topshasynda ádemi qaýyrsyny bar jyl qusy, Bul sózder eki túbirden quralǵan.
eki túbirden quralǵanmen, bir ǵana maǵynany bildiredi.
Bul – birikken sóz, óıtkeni
Bir ǵana suraqqa jaýap beredi
Ereje: Eki ne odan da kóp túbirden quralǵan sózderdi birikken sózder dep ataıdy. Olar birigip jazylady: alabota, balqaraǵaı.

VI. Oqýlyqpen jumys 33 - jattyǵý, 77 - bet Aýyzsha sózderdi oqyp, túbirlerin anyqtaý
Aqqý, buzaýbas, Aqmaral, shańsorǵysh, balmuzdaq, egeýquıryq, Jetiqaraqshy, shekara.
Ár sóz neshe túbirden quralǵan?
Buzaýbas – basy úlken, aldyńǵy aıaqtarymen jer qazatyn túsi sary qońyz.
Egeýquıryq – aýylsharýashylyǵyna zıandy, tumsyǵy súıir, quıryǵy uzyn sur tyshqan.

Vİİ. Toptyq jumys İ - topqa - taratylǵan qıma qaǵazdarda berilgen sózderdi qurastyr
İİ - topqa - Biletin shópterdiń atyn tizip jazyńdar
İİİ - topqa - Oı sergitý tapsyrmalary
1. Sý betin syzyp, aqquman júr júzip.(----)
2. Aıaǵy túıege uqsaıdy, qus bolsa da ushpaıdy.(-------)
3. Birikken sózdiń birinshi túbiri taǵam sózimen sınonımdes, ekinshi túbiri tamaq pisiretin ydys.(-------)
4. Úı janýarynyń biriniń aty jáne sezim múshesiniń atymen birigip aıtylǵan sóz.(-------)
5. Birinshi túbiri - san, ekinshi túbiri - dene múshesi, úshinshi túbiri - onsyz as dámsiz.(---------)
6. «Kómir keni»atalǵan qala?(---------)
7. Qazaqtyń ulttyq oıyny. (-------)

VIİİ. «Qoshemetteý» oıyny. Birikken sózderdi estigende qol soǵamyz.
Toǵaı ishindegi barlyq qustar jınalyp, beıbitshilik jaıly saıraı bastady. Bul merekeni qus tóresi aqqý basqardy. Shaǵyn alań qustarǵa syımaı ketti. Bulbul men kókek te, úırek pen qaz da, bódene men buldyryq ta, aqqutan men kókqutan, birqazanǵa deıin keldi.
IX. Sergitý sáti Eger kóńildi bolsań.... Balalar mende sendermen qatar kóńildi bolyp turmyn, al bizge kelgen qonaq kim ekenin kórgileriń kele me? Olaı bolsa, kóreıik. Kim eken?- Aıaz ata. X. Shyǵarmashylyq jumys. Shaǵyn mátin qurastyraıyq. «Jańa jyldyq shyrshada». İshinde birikken sózderi bar sóılemder bolatyn bolsyn.
Xİ. «Oıyń júırik, tiliń júırik bolsa eger, taýyp kór» oıyny. Birikken sózderden ańdar qustar jer - sý attaryn jaz

Xİİ. Úı tapsyrmasy.
«Haıýanattar baǵyna saıahat» taqyrybyna áńgime qurap jaz.
XIİİ. Oqýshylardy baǵalaý