InfoHub Logo

Maqsaty: 1941 - 1945 jylǵy Uly otan soǵysynda nemis basqynshylaryn talqandaýda aýyl ardagerleriniń erlikterin tyńdatý, Qazaqstan halqynyń maıdanda jáne tylda kórsetken eren erligin pash etý, jas urpaqty otansúıgishtikke, el jandylyqqa, ardagerlerdi syılaýǵa, taǵzym etýge tárbıeleý.
Qoldanylǵan kórnekilikter: sýretter, býklet, plakat, «Jeńis», «Otan» týraly jazylǵan naqyl sózder, sharlar, gúlder, mýzykalyq ortalyq, t. b.

Ótkizilý barysy:
1. Kirispe
2. «Jeńis kúni» Baıandama
3. Uly Jeńiske myń taǵzym! (jeńis týraly ánder, óleńder oqý)
4. Ardagerlermen suhbat
5. Otan úshin ot keshkender (aýyl ardagerleri týraly málimet.)
6. Eshkim de, esh nárse de umytylmaıdy! (oqýshylardyń shyǵarmashylyǵy)
7. «Otty jyldar elesiń, kitaptan oqyp bilesiń...» (kitap kórmesi)
8. Beıne sýretter «Den Pobedy»
9. Qorytyndy

Barysy:
Júrgizýshi: Jeńis merekesi – beıbitshilik súıgish búkil adamzat qaýymynyń merekesi. Jeńis merekesi – jeńimpaz ákeler men aǵa býynnyń jáne sol aǵalar isin alǵa aparatyn jas býynnyń merekesi. Bul bizdiń eń qasıetti de qasterli merekemiz, Jeńis kúni 9 - mamyr – búkil dúnıejúzi boıynsha úlken meıram. Ásirese, bul merekeni ekinshi dúnıejúzilik soǵystyń bar aýyrtpalyǵyn óz moınymen kóterip, Otan úshin ot keship, soǵystyń qanǵa bókken dalasynda qaısarlyqpen shaıqasqan, Jeńistiń týyn jelbiretken, Uly Otan soǵysynyń ardagerleri úshin erekshe meıram.
Az emes zar jylaǵan, egilgen jan,
Az emes óshken ómir, tógilgen qan.
Keýdege zildi qasiret saldy soǵys.
Qırady talaı arman kóńilge alǵan

Uly Otan soǵysyna qatysqan: Baýyrjan Momyshuly, Mánshúk Mámetova, Álıa Moldaǵulova, Málik Ǵabdýllın, Talǵat Bıgeldınov t. b. jáne de óz jerlesterimiz de bar.
Ol kisilerge qurmetpen bas ıemiz. Al osy beıbit ómirge jete almaǵan, erlikpen qaza tapqan aǵalarymyz ben apalarymyzdyń rýhyna bas ıip, eske alaıyq. Jeńis týyn jelbiretýde qan keship, keýdesin oqqa tosqan bozdaqtarymyzdy bir sát únsizdikpen eske alaıyq.
(1 mın únsizdik)

Tarıh keshi únemi jańalanyp otyrady. Dese de umytylmaıtyn, eskermeıtin tarıhı oqıǵalar bolady. Sonyń bári álemdi dúr silkindirgen ekinshi dúnıejúzilik soǵystyń qasireti men Uly Jeńistiń qasıetiń batyr aǵalarymyz ben apalarymyzdyń erligin eshkim de eshqashan umytpaq emes.

Álemdi dúr silkindirgen oqıǵa 1941jyly maýsymnyń 22 - de bolǵan edi. Biraq sol kezdegi Keńes eliniń birligi men dostyǵynyń arqasynda 1945 jyly 9 - mamyrda buǵa Uly Jeńispen aıaqtaldy. Mine, sodan beri 68 jyl merzim ýaqyt ótti. Bıyl Uly Jeńistiń 68 jyldyǵy. Jeńis kúni bárimiz úshin aıryqsha qymbat, qasıetti mereke. Bul tek, sol soǵysta jeńiske jetkenimizdi atap ótetin kún ǵana emes. Ol – sol soǵysta Jeńisti jaqyndatý úshin jan aıamaı shaıqasyp, qan maıdannan oralmaı, elimizdiń berik qorǵanyndaı bolyp qalǵan arystarymyzdy eske alatyn kún. Jeńis kúine arnalǵan «Biz Jeńistiń urpaqtarymyz» atty búgingi tárbıe saǵatymyz ardager atalarymyzben kezdesý bolmaq.

Búgingi bizdiń sabaǵymyzǵa aýylymyzdyń ardagerleri, tylda eńbek etken qarıalar
Sattarbergen ataı
Áshim ataı
Ómirzaq ataı
Muǵaltaı ataı
Aýylymyzdaǵy osy ardager qarıa atalarymyzdyń eńbek, erligi týraly búgingi saǵatta sóz qozǵaımyz.

Júrgizýshi: Iá, kim de bolsa óz Otanyn qorǵaýǵa qashanda daıyn. Uly Otan soǵysy týraly tolyǵyraq málimet alý úshin baıandamashyǵa R. Seıtovaǵa sóz bereıik.
Júrgizýshi: Bul jyldary júregi Otanym dep soqqan ár azamat barynsha kúrese bildi. Árbir azamat óz Otanyna degen antyn oryndap shyqty. Olaı bolsa surapyl soǵys jáne elin, jerin qorǵaǵan maıdangerler týraly óleń joldaryn tyńdaý úshin oqýshylarǵa sóz bereıik!

1 – oqýshy: Ardagerler M. Ámireev
Qan maıdannyń júrekte jarasy bar,
Qaıǵysy men zili bar, nalasy bar.
Aramyzda júretin alshań basyp,
Ardagerler, azaıyp barasyńdar.
Erlik súıgen elińe saltyń unar,
Júzderińde janǵan ot jarqyly bar.
Soǵys degen salmaǵyn jalǵyz sózdiń
Búgingi urpaq ózderiń arqyly uǵar.
Jasqanbaǵan jaýynan jaraqta er,
Erligińdi ańyz qyp taratty el.
Qaharmandyq degendi keıinge urpaq
Júzderińe senderdiń qarap biler.